"ஆயிரத்தில் ஒருவன், மயக்கம் என்ன அடுத்து எனக்குப் பிடித்த ஆல்பம்" - ஜி.வி கொடுத்த செல்வா பட அப்டேட்
Admin
- 10 hours ago
தமிழ் சினிமாவில் காதல் கொண்டேன், 7ஜி ரெயின்போ காலனி, புதுப்பேட்டை, ஆயிரத்தில் ஒருவன், மயக்கம் என்ன ஆகிய படங்களின் மூலம் இயக்குநராகத் தனி இடம் பிடித்திருப்பவர் செல்வராகவன்.
இருப்பினும், கடைசியாக அவர் இயக்கத்தில் வெளிவந்த என்.ஜி.கே, நானே வருவேன் ஆகிய படங்கள் தோல்வியடைந்தன.
அதன்பின்னர், நடிகர் கதாபாத்திரத்தை ஏற்றுக்கொண்டு டிராக்கை மாற்றிய செல்வராகவன், தற்போது ஜி.வி. பிரகாஷ் குமார் தயாரிப்பில் அவரை ஹீரோவாக வைத்து `மெண்டல் மனதில்' என்ற படத்தை இயக்கி வருகிறார்.
செல்வராகவன் படத்தைப் போலவே செல்வராகவன் பட ஆல்பங்களுக்கும் ரசிகர்களின் பிளே லிஸ்டில் நிரந்தர இடம் உண்டு.
செல்வராகவன் - யுவன் காம்போ அளவுக்கு செல்வராகவன் - ஜி.வி. பிரகாஷ் குமார் காம்போவும் பெரும் ஹிட்டடித்திருக்கின்றன.
இந்த நிலையில், மெண்டல் மனதில் படம் குறித்து ஜி.வி. பிரகாஷ் குமார் அப்டேட் ஒன்றை வெளியிட்டிருக்கிறார்.
தனது எக்ஸ் தளப்பக்கத்தில் ஜி.வி. பிரகாஷ், "லெஜண்ட் செல்வராகவன் சார் இயக்கத்தில், மெண்டல் மனதில் படத்தின் நான்காம் கட்ட படப்பிடிப்பு நடந்து கொண்டிருக்கிறது. இப்படத்தின் ஆல்பத்துக்காக காத்திருங்கள்.
ஆயிரத்தில் ஒருவன், மயக்கம் என்ன படங்களுக்குப் பிறகு எனக்குப் பிடித்த ஆல்பங்களில் ஒன்றாக இது இருக்கும்" என்று பதிவிட்டிருக்கிறார்.
#mentalmanadhil 4th schedule shoot on progress … in the legendary @selvaraghavan sir direction … wait for this particular album . After AO and ME this album will be my most favourite one ❤️✨ … pic.twitter.com/MvllVCsJBI
— G.V.Prakash Kumar (@gvprakash) October 9, 2025
செல்வராகவன் தனது டைரக்ஷன் லிஸ்டில் 7ஜி ரெயின்போ காலனி படத்தின் இரண்டாம் பாகத்தை பேக்கப்பில் வைத்திருக்கிறார் என்பது குறிப்பிடத்தக்கது.
செல்வராகவன் - ஜி.வி. பிரகாஷ் காம்போவில் உங்களுக்குப் பிடித்த பாடல் எதுவென்பதை கமெண்ட்டில் பதிவிடுங்கள்.
