இந்தியன் ஓவா்சீஸ் வங்கி சாா்பில் சுயஉதவிக்குழு, விவசாயக் கடன் வழங்கும் விழா

சேலத்தில் இந்தியன் ஓவா்சீஸ் வங்கி மண்டல அலுவலகம் சாா்பில், சுயஉதவிக்குழு மற்றும் விவசாயக் கடன் வழங்கும் விழா அண்மையில் நடைபெற்றது.

சேலம் இரும்பாலை பகுதியில் உள்ள தனியாா் மண்டபத்தில் நடைபெற்ற விழாவில், நிா்வாக இயக்குநா் தனராஜ் சிறப்பு விருந்தினராக கலந்துகொண்டு பயனாளா்களுக்கு காசோலைகளை வழங்கினாா்.

இதில், கோவை மண்டலத்தின் பொது மேலாளா் வேலாயுதம், சேலம் தலைமை மண்டல மேலாளா் விக்ரம் சேத், ஈரோடு தலைமை மண்டல மேலாளா் எஸ்.திருமுருகன் புதுச்சேரி தலைமை மண்டல மேலாளா் ரவிசங்கா் சாஹூ , வேலூா் தலைமை மண்டல மேலாளா் என்.ராஜசேகா் மற்றும் பிற வங்கி அதிகாரிகள் கலந்துகொண்டனா்.

நிகழ்ச்சியில், இந்தியன் ஓவா்சீஸ் வங்கி நிா்வாக இயக்குநா் தனராஜ் பேசுகையில், சுயஉதவிக் குழுக்கள், கோழிப் பண்ணை மற்றும் விவசாயிகளை உள்ளடக்கிய 10,508 பயனாளிகளுக்கு ரூ. 201.02 கோடி மதிப்புள்ள நிதி உதவிக்கான ஒப்புதல் கடிதங்கள் வழங்கப்பட்டன. இது கிராமப்புற சமூகங்களை மேம்படுத்துவதற்கான வங்கியின் நோக்கத்தில் ஒரு குறிப்பிடத்தக்க மைல்கல் என்றாா்.

இந்நிகழ்ச்சியில், கோவை, ஈரோடு, புதுச்சேரி, சேலம், வேலூா் பகுதிகளைச் சோ்ந்த ஆயிரத்துக்கும் மேற்பட்ட சுயஉதவிக்குழு உறுப்பினா்கள், விவசாயிகள், அலுவலா்கள், அரசு சாரா நிறுவனங்கள், மகளிா் திட்ட அதிகாரிகள் பங்கேற்றனா். விழாவுக்கான ஏற்பாட்டை வங்கி அலுவலக அதிகாரிகள் செய்திருந்தனா்.