செய்திகள் :

இந்திய ஆடவா் அபாரம்; மகளிா் ஏமாற்றம்

post image

மலேசியா மாஸ்டா்ஸ் பாட்மின்டன் போட்டியின் முதல் சுற்றில், ஹெச்.எஸ். பிரணாய் உள்ளிட்ட இந்திய வீரா்கள் அசத்தலான வெற்றியைப் பதிவு செய்தனா். எனினும், பி.வி.சிந்து உள்ளிட்ட வீராங்கனைகள் ஏமாற்றம் அளித்து போட்டியிலிருந்து வெளியேறினா்.

போட்டியின் முதல் சுற்றில், ஆடவா் ஒற்றையரில் ஹெச்.எஸ். பிரணாய் 19-21, 21-17, 21-16 என்ற கேம்களில், போட்டித்தரவரிசையில் 5-ஆம் இடத்திலிருந்த ஜப்பானின் கென்டா நிஷிமோடோவை வீழ்த்தி அசத்தினாா். இந்த ஆட்டம் 1 மணி நேரம், 22 நிமிஷங்களில் முடிவுக்கு வந்தது. இருவரும் சந்தித்தது இது 8-ஆவது முறையாக இருக்க, பிரணாய் தனது 3-ஆவது வெற்றியைப் பதிவு செய்திருக்கிறாா். அவா் 2-ஆவது சுற்றில் மற்றொரு ஜப்பான் வீரரான யுஷி டனாகாவை எதிா்கொள்கிறாா்.

அதேபோல் கே.ஸ்ரீகாந்த் 23-21, 13-21, 21-11 என்ற கேம்களில், போட்டித்தரவரிசையில் 6-ஆம் இடத்திலிருந்த சீனாவின் லு குவாங் ஸுவை 57 நிமிஷங்களில் தோற்கடித்தாா். சதீஷ்குமாா் கருணாகரன் 21-13, 21-14 என்ற நோ் கேம்களில், போட்டித்தரவரிசையில் 3-ஆம் இடத்திலிருந்த சீன தைபேவின் சௌ டியென் சென்னை 39 நிமிஷங்களில் முறியடித்து 2-ஆவது சுற்றுக்கு முன்னேறி அசத்தியிருக்கிறாா். அதில் அவா், பிரான்ஸின் கிறிஸ்டோ போபோவை சந்திக்கிறாா்.

ஆயுஷ் ஷெட்டி 20-22, 21-10, 21-8 என்ற கணக்கில் கனடாவின் பிரியன் யங்கை 59 நிமிஷங்களில் வெளியேற்றினாா். எனினும் பிரியன்ஷு ரஜாவத் 15-21, 17-21 என்ற கேம்களில் சிங்கப்பூரின் ஜியா ஹெங் ஜேசனிடம் 39 நிமிஷங்களில் தோல்வி கண்டாா்.

ஏமாற்றம்: மகளிா் ஒற்றையரில், இருமுறை ஒலிம்பிக் பதக்கம் வென்ற பி.வி.சிந்து 11-21, 21-14, 15-21 என்ற கேம்களில், வியத்நாமின் குயென் துய் லின்னிடம் 1 மணி நேரம், 4 நிமிஷங்கள் போராடி வீழ்ந்தாா். அதேபோல் மாளவிகா பன்சோத் 21-19, 18-21, 8-21 என சீன தைபேவின் சியு பின் சியானிடம் 1 மணி நேரம், 4 நிமிஷங்கள் போராடி வெற்றியை இழந்தாா்.

உன்னாட்டி ஹூடா 12-21, 20-22 என்ற கேம்களில், சீன தைபேவின் லின் சியாங் டியிடம் 43 நிமிஷங்கள் போராடித் தோற்றாா். ஆகா்ஷி காஷ்யப் 9-21, 8-21 என்ற வகையில், போட்டித்தரவரிசையில் 8-ஆம் இடத்திலிருக்கும் இந்தோனேசியாவின் புத்ரி குசுமவா்தனியிடம் 32 நிமிஷங்களில் எளிதாக வீழ்ந்தாா்.

ஆறுதல்: கலப்பு இரட்டையரில் துருவ் கபிலா/தனிஷா கிராஸ்டோ கூட்டணி 21-18, 15-21, 21-14 என்ற கேம்களில், இந்தோனேசியாவின் அட்னன் மௌலானா/இன்டா கஹியா ஜமில் ஜோடியை 52 நிமிஷங்களில் வீழ்த்தி 2-ஆவது சுற்றுக்கு முன்னேற்றம் கண்டு ஆறுதல் அளித்தது.

அதே பிரிவில் இந்தியாவின் ஆசிதா சூா்யா/அம்ருதா பிரமுதேஷ் இணை 12-21, 10-21 என்ற கேம்களில், போட்டித்தரவரிசையில் முதலிடத்தில் இருக்கும் சீனாவின் ஜியாங் ஜெங் பாங்/வெய் யா ஜின் கூட்டணியிடம் 23 நிமிஷங்களில் தோற்றது. ரோஹன் கபூா்/ருத்விகா ஷிவானி ஜோடி 10-21, 14-21 என்ற கணக்கில், போட்டித்தரவரிசையில் 4-ஆம் இடத்திலிருக்கும் சீனாவின் குவோ ஜின் வா/செங் ஃபாங் ஹுய் இணையிடம் 31 நிமிஷங்களில் தோல்வி கண்டது.

சதீஷ்குமாா் கருணாகரன்/ஆத்யா வரியத் இணையும் 15-21, 16-21 என்ற கேம்களில் இந்தோனேசியாவின் வெரெல் யஸ்டின் முலியா/லியா அயு குசுமாவதி கூட்டணியிடம் 32 நிமிஷங்களில் தோல்வியைத் தழுவியது.

கேன்ஸ் விழாவில் குங்கும திலகமிட்டு வந்த ஐஸ்வர்யா ராய்! ஏன்?

நடிகை ஐஸ்வர்யா ராய் கேன்ஸ் திரைப்பட விழாவில் புடவையுடன் குங்குமம் வைத்து வந்தது பலரையும் ஆச்சரியப்படுத்தியுள்ளது. 2025-ம் ஆண்டுக்கான கேன்ஸ் திரைப்பட விழா பிரான்ஸின் கேன்ஸ் நகரில் கடந்த மே 13 ஆம் தேதி ... மேலும் பார்க்க

ஆதி புருஷ் இயக்குநர் கலாமுக்கு காவி சாயம் பூசுகிறாரா? ரசிகர்கள் கேள்வி!

நடிகர் தனுஷ் நடிக்கும் கலாம் படத்தின் போஸ்டர் சர்ச்சைகளைக் கிளப்பியுள்ளது. நடிகர் தனுஷ் இட்லி கடை, குபேரா ஆகிய படங்களில் நடிகர் தனுஷ் நடித்து முடித்துள்ளார். இந்த இரு படங்களும் அடுத்தடுத்து வெளியாகவுள... மேலும் பார்க்க

அப்துல் கலாமின் பயோபிக்கில் நடிக்கும் தனுஷ்!

மறைந்த முன்னாள் குடியரசுத் தலைவர் அப்துல் கலாமின் வாழ்க்கை வரலாற்றுப் படத்தில் நடிகர் தனுஷ் நடிக்கவுள்ளதாக அறிவிக்கப்பட்டுள்ளது.ஆதிபுருஷ் திரைப்படத்தின் இயக்குநர் ஓம் ராவத் இயக்கவுள்ள இப்படம் குறித்து... மேலும் பார்க்க

சாம்பியன்ஸ் லீக்குக்கு மான்செஸ்டா் சிட்டி தகுதி

இங்கிலாந்து பிரீமியா் லீக் கால்பந்து போட்டியில், மான்செஸ்டா் சிட்டி 3-1 கோல் கணக்கில் போா்ன்மௌத் அணியை புதன்கிழமை வீழ்த்தியது.இந்த வெற்றியின் மூலம் 68 புள்ளிகளுடன் 3-ஆம் இடத்துக்கு முன்னேறியிருக்கும் ... மேலும் பார்க்க

தங்கம் வென்றாா் கானக்

ஜொ்மனியில் நடைபெறும் ஜூனியா் உலகக் கோப்பை துப்பாக்கி சுடுதல் போட்டியில் இந்திய வீராங்கனை கானக், ஞாயிற்றுக்கிழமை தங்கப் பதக்கம் வென்று அசத்தினாா். இப்போட்டியில் இந்தியாவுக்கு இது முதல் தங்கமாகும்.மகளி... மேலும் பார்க்க