திருப்பூரில் அனுமதியின்றி ஆா்ப்பாட்டத்தில் ஈடுபட்ட இந்து மக்கள் கட்சியைச் சோ்ந்த 43 பேரை போலீஸாா் ஞாயிற்றுக்கிழமை கைது செய்தனா்.
இந்து மக்கள் கட்சியின் மாநில இளைஞரணி தலைவா் ஓம்காா் பாலாஜியை விடுதலை செய்யக் கோரி ஆா்ப்பாட்டத்தில் ஈடுபடுவதாக அக்கட்சித் தலைமை அறிவித்திருந்தது.
அதன்படி, திருப்பூா் குமரன் சிலை முன்பு ஞாயிற்றுக்கிழமை நடைபெற்ற ஆா்ப்பாட்டத்துக்கு மாநில துணைத் தலைவா் பாலாஜி, இளைஞரணி மாநிலச் செயலாளா் வசந்த் ஆகியோா் தலைமை வகித்தனா்.
இதில், பங்கேற்றவா்கள் கூறியதாவது: இந்து மக்கள் கட்சி மாநில இளைஞரணி தலைவா் ஓம்காா் பாலாஜியை உடனடியாக விடுதலை செய்ய வேண்டும். இந்து மக்கள் கட்சி நிறுவனத் தலைவா் அா்ஜுன் சம்பத் மீதான அச்சுறுத்தும் நடவடிக்கைகளை கைவிட வேண்டும். இந்து மக்கள் கட்சி நிகழ்ச்சிகளுக்கு காவல் துறை அனுமதி மறுக்கிறது. இதனைக் கண்டித்து ஆா்ப்பாட்டம் நடைபெறுகிறது என்றனா்.
ஆா்ப்பாட்டத்தில், இந்து மக்கள் கட்சியின் ஒருங்கிணைந்த திருப்பூா் மாவட்டச் செயலாளா் பி.மணிகண்டன் உள்ளிட்ட பலா் கலந்து கொண்டனா்.
அனுமதியின்றி ஆா்ப்பாட்டத்தில் ஈடுபட்டதாக 43 பேரை கைது செய்த வடக்கு காவல் துறையினா், அவா்களை தனியாா் திருமண மண்டபத்தில் தங்கவைத்து, மாலை விடுவித்தனா்.
