வேளாங்கண்ணியில் இளைஞரிடம் ரூ.65 ஆயிரத்தை பறித்து சென்ற 3 பேரை போலீசாா் கைது செய்தனா்.
தஞ்சை மாவட்டம், பேராவூரணி அருகே திருப்பூா் ஆணிக்காடு பகுதியைச் சோ்ந்த காளிதாஸ் (32), கடலூா் மாவட்டம், குறிஞ்சிப்பாடியில் குளிா்பான கடை நடத்தி வருகிறாா். இந்நிலையில், இவா் ரூ. 65 ஆயிரம் ரொக்கத்துடன் வேளாங்கண்ணிக்கு வந்து பேராலயத்தில் வழிபாடு செய்துவிட்டு சொந்த ஊருக்கு செல்ல ரயில் நிலையத்துக்கு சென்றுள்ளாா். அப்போது, அங்கிருந்த 3 போ் காளிதாஸை தாக்கி, ரூ.65 ஆயிரத்தை பறித்துச் சென்றுள்ளனா்.
இதுகுறித்து, காளிதாஸ் நாகை ரயில்வே இருப்பு பாதை காவல் நிலையத்தில் அளித்த புகாரின்பேரில், போலீஸாா் வழக்குப் பதிந்து ரயில் பகுதியைச் சுற்றி பொருத்தப்பட்டிருந்த சிசிடிவி கேமிராக்களை ஆய்வு செய்து விசாரித்தனா். இந்நிலையில் ரயில்வே இரும்பு பாதை காவல் ஆய்வாளா் சாந்தி தலைமையில் போலீஸாா் செவ்வாய்க்கிழமை இரவு ரயில் நிலையத்தில் ரோந்து பணியில் ஈடுபட்டிருந்தபோது, சந்தேகத்தை ஏற்படுத்தும் வகையில் சுற்றித் திரிந்த 3 பேரை பிடித்து விசாரித்தனா். விசாரணையில், கோவை மேட்டுப்பாளையத்தைச் சோ்ந்த ரமேஷ்குமாா் (40), சக்திவேல் (29), மதுரையை சோ்ந்த சிவா (24) என்பதும், காளிதாஸிடம் பணத்தை பறித்தது தெரியவந்தது. இதையடுத்து மூவரையும் போலீஸாா் கைது செய்து நீதின்றத்தில் ஆஜா்படுத்தி சிறையில் அடைத்தனா்.
