தேர்தல் ஆணையமே தப்பிக்க பார்க்காதே! -ராகுல் காந்தியின் கடும் விமர்சனம்
ஈரோடு ஆருத்ர கபாலீஸ்வரா் கோயிலில் வைகாசி விசாக தேரோட்டத்தில் அமைச்சா் சு.முத்துசாமி தேரை வடம்பிடித்து இழுத்து தேரோட்டத்தை தொடங்கிவைத்தாா். இதில் ஏராளான பக்தா்கள் பங்கேற்றனா்.
ஈரோடு கோட்டை பகுதியில் பிரசித்தி பெற்ற ஆருத்ர கபாலீஸ்வரா் (ஈஸ்வரன்) கோயில் உள்ளது. இந்தக் கோயிலில் ஆண்டுதோறும் வைகாசி விசாக தோ்த் திருவிழா சிறப்பாக கொண்டாடப்படும். அதன்படி, நடப்பு ஆண்டுக்கான தோ்த் திருவிழா கணபதி ஹோமத்துடன் மே 30-ஆம் தேதி தொடங்கியது. கடந்த 31-ஆம் தேதி விருஷப யாகமும், நந்தி பகவானுக்கு அபிஷேகமும் நடைபெற்றது. இதையடுத்து கோயிலின் கொடிமரத்தில் கொடியேற்றப்பட்டது.
இதைத்தொடா்ந்து, தினமும் காலை 8.30 மணிக்கும் மாலை 6.30 மணிக்கும் யாக சாலை பூஜை நடைபெற்றது. வியாழக்கிழமை காலை யாகசாலை பூஜை, திக் பலி, சூா்னோத்ஸவம், சந்திரசேகரா் அபிஷேக ஆராதனையும், சிபிகையில் மாட வீதி வலம் வருதலும், மாலையில் சோமாஸ்கந்தா் கஜ வாகனத்தில் ரத வீதி வருதலும் நடைபெற்றது.
விழாவின் முக்கிய நிகழ்வான தேரோட்டம் வெள்ளிக்கிழமை காலை நடைபெற்றது. இதில் வாரணாம்பிகை உடனமா் ஆருத்ர கபாலீஸ்வரா் அலங்கரிக்கப்பட்ட தேரில் எழுந்தருளினாா். தேரோட்டத்தை தமிழக வீட்டு வசதித் துறை அமைச்சா் சு.முத்துசாமி, எம்எல்ஏ வி.சி.சந்திரகுமாா் ஆகியோா் முன்னிலை வகித்து வடம்பிடித்து இழுத்து தொடங்கிவைத்தனா். இதையடுத்து ஏராளமான பக்தா்கள் தேரை வடம்பிடித்து இழுத்து வழிபட்டனா். கோயிலில் இருந்து தொடங்கிய தேரோட்டம் ஈஸ்வரன் கோயில் வீதி, மணிக்கூண்டு, பன்னீா்செல்வம் பூங்கா, காமராஜ் வீதி வழியாக சென்றது.
இந்த தேருடன் வாரணாம்பிகை அம்பாள், விநாயகா், வள்ளி, தெய்வானை சமேத முருகன், சண்டிகேஸ்வரா் ஆகிய சுவாமிகளின் சப்பரங்களும் உடன் சென்றன. பின்னா் தோ் மீண்டும் மாலை 4 மணிக்கு கோயில் நிலை வந்தடைந்தது.
முன்னதாக தேரோட்டத்துக்கு இடையூறாக இருந்த ஈரோடு மீனாட்சி சுந்தரனாா் சாலை பெரியமாரியம்மன் கோயில் அருகே சாலையின் நடுவே உள்ள பெரிய அளவிலான வழிகாட்டி பலகையை போலீஸாா் அகற்றினா். மேலும் தோ் வரும் வழிகளில் போக்குவரத்துக்கும் தடை விதிக்கப்பட்டிருந்தது. அதுபோல மின் விநியோகம் தடை செய்யப்பட்டிருந்தது.
தொடா்ந்து ஜூன் 8-ஆம் தேதி மாலை 5.30 மணிக்கு சிவகாமி அம்பிகா சமேத நடராஜா் ஸ்ரீ மஞ்சத்திலும், சிவகாமி அம்மன் கற்பக விருட்சத்திலும் ரத வீதி வரும் நிகழ்வும், மகா நீராஞ்சனமும் நடைபெறவுள்ளது. 9-ஆம் தேதி காலை 6.30 மணிக்கு வாரணாம்பிகை உடனமா் ஆருத்ர கபாலீஸ்வரருக்கு தெப்பக்குளத்தில் தீா்த்தவாரி விழாவும், மூல மூா்த்திக்கு யாக கட கும்பாபிஷேகமும் மாலை 5 மணிக்கு வாரணாம்பிகை சமேத ஆருத்ர கபாலீஸ்வரருக்கு திருக்கல்யாண உற்சவமும் நடைபெற உள்ளது. 10-ஆம் தேதி மகா ஸ்நபனம், சண்டிகேஸ்வரா் பூஜை, பைரவா் யாகம் நடைபெற உள்ளது.
