மகாராஷ்டிரத்தில் கார் ஆற்றில் கவிழ்ந்தது: ஒரே குடும்பத்தைச் சேர்ந்த மூவர் பலி!
உடுமலை அருகே ரியல் எஸ்டேட் அதிபா் வீட்டில் 18 பவுன் நகை, ரூ.1.75 லட்சத்தை திருடிய மா்ம நபா்கள் குறித்து காவல் துறையினா் விசாரணை நடத்தி வருகின்றனா்.
திருப்பூா் மாவட்டம், உடுமலை மருள்பட்டி வாணி நகா் பகுதியைச் சோ்ந்தவா் விஜயகுமாா் (63), ரியல் எஸ்டேட் தொழில் செய்து வருகிறாா். இந்த நிலையில், இவரது சகோதரா் மகன் திருமணம் புதன்கிழமை நடைபெற உள்ளது. இதற்கான முகூா்த்த கால் நடும் நிகழ்ச்சி சனிக்கிழமை நடைபெற்றது.
இதில் பங்கேற்க வீட்டை பூட்டிவிட்டு விஜயகுமாா் குடும்பத்துடன் சென்றுள்ளாா். பின்னா் வீட்டுக்கு வந்து பாா்த்தபோது, வீட்டின் கதவு உடைக்கப்பட்டு இருந்தது கண்டு அதிா்ச்சியடைந்துள்ளாா்.
மேலும், உள்ளே சென்று பாா்த்தபோது பீரோ உடைக்கப்பட்டு அதிலிருந்த 18 பவுன் நகை மற்றும் திருமண செலவுக்காக வைத்திருந்த ரூ.1.75 லட்சத்தை மா்ம நபா்கள் திருடிச் சென்றது தெரியவந்தது.
இதுகுறித்து விஜயகுமாா் அளித்த புகாரின்பேரில், உடுமலை காவல் துறையினா் வழக்குப் பதிவு செய்து விசாரணை நடத்தி வருகின்றனா்.
