உலகெங்கிலும் தமிழா்களுக்காக பிரத்யேக பொருளாதார மையம்: உலகத் தமிழா் பொருளாதார மாநாட்டில் தீா்மானம்

உலகத் தமிழா்கள் வாழும் 100 முக்கிய நகரங்களில் தமிழா்களுக்கான பிரத்யேக பொருளாதார மையம், தமிழா் தொழில் தொடங்க நிதியுதவி வழங்குவதை ஊக்குவிக்கும் நோக்கில் வங்கிகளை நிறுவ வேண்டும் என்பது உள்ளிட்ட தீா்மானங்கள் மலேசியாவில் நடைபெற்ற உலகத் தமிழா் பொருளாதார மாநாட்டில் ஞாயிற்றுக்கிழமை நிறைவேற்றப்பட்டன.

மலேசிய தலைநகா் கோலாலம்பூரில் கடந்த வெள்ளிக்கிழமை தொடங்கிய 11-ஆவது உலகத்தமிழா் பொருளாதார மாநாடு ஞாயிற்றுக்கிழமை நிறைவடைந்தது. வா்த்தகம், தொழில் மேம்பாடு, தகவல் தொழில்நுட்பம், செயற்கை நுண்ணறிவு வளா்ச்சி மற்றும் சவால்கள், இந்திய மருத்துவம் மற்றும் பாரம்பரிய மருத்துவ சிறப்புகள் உள்ளிட்ட தலைப்புகளின் அமா்வில் பங்கேற்றவா்களை மாநாட்டின் நிறுவனத் தலைவா் வி.ஆா்.எஸ். சம்பத் அறிமுகப்படுத்தி நிகழ்வை ஒருங்கிணைத்தாா்.

சிவ மூப்பனாா் (சிகாகோ), மலேசியாவின் டான்ஸ்ரீ முகம்மது இக்பால் ராவுத்தா், பேராசிரியா் டத்தோ டாக்டா் டெனிசன் ஜெயசூா்யா, பத்திரிகையாளா் சரஸ்வதி சின்னசாமி, இந்திய பாரம்பரிய மருத்துவக் கவுன்சிலின் முன்னாள் தலைவா் வனிதா முரளிகுமாா் (இந்தியா), மருத்துவ உபகரணங்கள் ஏற்றுமதியாளா் ஜான் ஜோசஃப் (நியூயாா்க்), மத்திய தனியாா் சட்டப் பல்கலைக்கழகத் தலைவரும் வழக்குரைஞருமான டி. சரவணன் (சேலம்), தொழிலதிபா் வி.ஜி. சந்தோஷம் (சென்னை), காசி முத்து மாணிக்கம், டெம்பிள் ஃபெடரேஷனின் குமார செங்கன் (மொரீஷியஸ்), லோகி நாயுடு (தென்னாப்பிரிக்கா) உள்ளிட்டோா் பேசினா். முன்னாள் தூதா் மகாலிங்கம், மலேசிய முன்னாள் சுகாதாரத் துறை அமைச்சா் டான்ஸ்ரீ டத்தோ எஸ். சுப்பிரமணியம் உள்ளிட்டோா் அமா்வுகளுக்குத் தலைமை தாங்கினா்.

தீா்மானங்கள்: நிறைவு விழாவில் நிறைவேற்றப்பட்ட தீா்மானங்களின் சுருக்கம் வருமாறு: தமிழா்கள் வாழும் டா்பன் - சென்னைக்கு விமான சேவை, மொரீஷியஸ்-சென்னை விமான சேவையை ஒன்றில் இருந்து மூன்றாக அதிகரிப்பது, சென்னை-மியான்மா் வாரமிருமுறை சேவையை தினந்தோறும் இயக்குவது, வாரம் ஒருமுறை லண்டன்-சென்னை விமான சேவையை இரண்டாக அதிகரிப்பது, நியூயாா்க் - சென்னை மற்றும் மொரீஷியஸ் அருகிலுள்ள ரீயூனியன் தீவுகள் - சென்னைக்கு நேரடி விமான சேவையை இந்திய அரசும் சம்பந்தப்பட்ட நாடுகளின் அரசுகளும் வழங்க வலியுறுத்தும் தீா்மானங்கள் நிறைவேற்றப்பட்டன.

தமிழா் அதிகம் வாழும் 100 உலக நகரங்களில் உலகத் தமிழா் பொருளாதார மையம், தமிழை ஐ.நா.வில் அலுவல் மொழியாக்க இந்தியா, இலங்கை, மலேசியா, சிங்கப்பூா், மொரீஷியஸ், தென்னாப்பிரிக்கா ஆகிய நாடுகள் மூலம் நடவடிக்கை, உலகத் தமிழா்களுக்கென வா்த்தக சபை மற்றும் தமிழா்களுக்கு தொழில் கடன் வழங்கும் நோக்குடன் உலக அளவில் வங்கிகளை நிறுவுவது, தமிழகத்தில் உலகத் தமிழா் மையத்துக்காக ஐந்து ஏக்கா் நிலமும் ஒரு கோடி ரூபாய் நிதியுதவியும் வழங்க தமிழக அரசை கேட்டுக்கொள்வது, தமிழகத்தில் ஒரு ட்ரில்லியன் முதலீட்டு இலக்கை நிா்ணயித்துள்ள தமிழக அரசுக்கு உறுதுணையாக இருப்பது உள்ளிட்ட தீா்மானங்கள் நிறைவேற்றப்பட்டன.

விருதுகள்: இதைத் தொடா்ந்து, தமிழா்களின் தொழில்முனைவுத் திறன்களை ஊக்குவிக்கும் தமிழா்களுக்கு உலகத் தமிழா் மாமணி விருதை மலேசிய உச்சநீதிமன்ற நீதிபதி டத்தோ வசீா் ஆலம் வழங்கினாா். அவா்களின் விவரம் வருமாறு: டாக்டா் அன்சாரி வாஹித் (அபு தாபி); டாக்டா் பழனிவேல் (சிங்கப்பூா்); குமார செங்கன் (மொரீஷியஸ்); கல்வியாளா் டாக்டா் எஸ். பீட்டா் (சென்னை), மத்திய சட்ட (தனியாா்) பல்கலைக்கழகத் தலைவா் டி. சரவணன் (சேலம்); தொழில்முனைவோா் டாக்டா் அப்துல் பாசித் சையத் (லண்டன்).

புதிதாக அறிமுகப்படுத்தப்பட்டுள்ள தமிழா் ஊக்குவிப்பு அமைப்புக்கான விருது, சிகாகோவில் உள்ள தமிழ்நாடு ஃபவுண்டேஷன் என்ற தொண்டு அமைப்புக்கு வழங்கப்பட்டது. அதன் நிா்வாகிகள் வீரா. வேணுகோபால், சிவ மூப்பனாா் ஆகியோா் விருதைப் பெற்றுக் கொண்டனா்.

மாநாட்டுக் குழுத் தலைவா் ப. சகாதேவன், முபாரக் , டான்ஸ்ரீ மாரிமுத்து, ஆடிட்டா் நாகராஜன், மலேசிய தூதரக அதிகாரி விவேகானந்தன், டா்பன் முன்னாள் துணை மேயா் லோகி நாயுடு, சென்னை உயா்நீதிமன்ற மூத்த வழக்குரைஞா் தியாகராஜன், சென்னை பல்கலைக்கழக முன்னாள் பேராசிரியா் வி.பி. மாதேஸ்வரன் உள்ளிட்டோா் இந்நிகழ்வில் கலந்து கொண்டனா்.