செய்திகள் :

எந்த அணிக்கும் இந்த நிலை வரலாம்; கேகேஆர் தோல்வி குறித்து ரமன்தீப் சிங்!

post image

மும்பை இந்தியன்ஸுக்கு எதிரான போட்டியில் ஏற்பட்ட தோல்வி குறித்து கொல்கத்தா நைட் ரைடர்ஸ் அணியின் ரமன்தீப் சிங் பேசியுள்ளார்.

ஐபிஎல் தொடரில் மும்பை வான்கடே திடலில் நடைபெற்ற நேற்றையப் போட்டியில் மும்பை இந்தியன்ஸ் மற்றும் கொல்கத்தா நைட் ரைடர்ஸ் அணிகள் விளையாடின. இந்தப் போட்டியில் மும்பை இந்தியன்ஸ் 8 விக்கெட்டுகள் வித்தியாசத்தில் அபார வெற்றி பெற்று, நடப்பு ஐபிஎல் தொடரில் தனது வெற்றிக் கணக்கைத் தொடங்கியது.

இதையும் படிக்க: திட்டங்களை தெளிவாக செயல்படுத்திய மும்பை இந்தியன்ஸ்; பாராட்டிய நியூசி. வீரர்!

மும்பை இந்தியன்ஸ் அணியில் அறிமுக வீரராக களமிறங்கிய அஸ்வனி குமார் அபாரமாக பந்துவீசி 4 விக்கெட்டுகளை வீழ்த்தினார். அறிமுகப் போட்டியில் அதிக விக்கெட்டுகளைக் கைப்பற்றிய முதல் இந்திய வீரர் என்ற சாதனையையும் அவர் படைத்தார். பேட்டிங்கில் அதிரடியாக விளையாடிய ரியான் ரிக்கல்டான் அரைசதம் விளாசி அசத்தினார். அவர் 41 பந்துகளில் 62 ரன்கள் எடுத்தார். 117 ரன்கள் என்ற எளிய இலக்கை மும்பை இந்தியன்ஸ் அணி 12.5 ஓவர்களில் எட்டி கொல்கத்தாவை வீழ்த்தியது.

ரமன்தீப் சிங் கூறியதென்ன?

மும்பை இந்தியன்ஸ் அணிக்கு எதிராக கொல்கத்தா நைட் ரைடர்ஸ் மோசமான ஆட்டத்தை வெளிப்படுத்திய நிலையில், மும்பைக்கு எதிரான தோல்வி துரதிருஷ்டவசமானது எனவும், அடுத்து வரும் போட்டிகளில் ஒருபோதும் இவ்வாறு விளையாடமாட்டோம் எனவும் ரமன்தீப் சிங் கூறியுள்ளது முக்கியத்துவம் பெறுகிறது.

இதையும் படிக்க:மதிய உணவு உண்ணாமல் விளையாடிய அஸ்வனி குமார்..! பாண்டியாவின் அறிவுரையால் கிடைத்த விக்கெட்!

இது தொடர்பாக போட்டி நிறைவடைந்த பிறகு அவர் பேசியதாவது: ஆட்டத்தின் சூழல் எவ்வாறு இருந்தாலும், எந்த ஒரு அணியும் மோசமான ஆட்டத்தை வெளிப்படுத்தலாம். டாப் ஆர்டர் மற்றும் மிடில் ஆர்டர் பேட்ஸ்மேன்கள் சிறப்பாக செயல்படத் தவறும்போது, பின்வரிசை ஆட்டக்காரர்களுக்கு விளையாட வாய்ப்பு கிடைக்கும். ஆனால், மும்பைக்கு எதிரான போட்டி எங்களுக்கு துரதிருஷ்டவசமான போட்டியாக அமைந்துவிட்டது. இனிவரும் போட்டிகளில் இதுபோன்ற ஒரு சூழ்நிலையை கொல்கத்தா அணி மீண்டும் சந்திக்காமல் இருப்பதை உறுதி செய்வோம் என்றார்.

கொல்கத்தா நைட் ரைடர்ஸ் அணி அதன் அடுத்தப் போட்டியில் சன்ரைசர்ஸ் ஹைதராபாதுக்கு எதிராக நாளை மறுநாள் (ஏப்ரல் 3) விளையாடவுள்ளது.

தாயகம் திரும்பினார் ரபாடா: குஜராத் அணிக்குப் பின்னடைவா?

தென்னாப்பிரிக்க வேகப்பந்து வீச்சாளர் ககிசோ ரபாடா ஐபிஎல் போட்டித் தொடரில் குஜராத் டைட்டன்ஸ் அணிக்காக விளையாடி வருகிறார். இந்த நிலையில் அவர் தனிப்பட்ட காரணங்களுக்காக தாயகம் திரும்பியிருப்பதாக குஜராத் அண... மேலும் பார்க்க

டி20 போட்டிகளில் 8,000 ரன்களைக் கடந்து சூர்யகுமார் யாதவ் சாதனை!

இந்திய அணியின் அதிரடி ஆட்டக்காரரான சூர்யகுமார் யாதவ் டி20 போட்டிகளில் 8,000 ரன்களைக் கடந்து சாதனை படைத்துள்ளார்.ஐபிஎல் தொடரில் மும்பை வான்கடே திடலில் கொல்கத்தா நைட் ரைடர்ஸ் அணிக்கு எதிராக அண்மையில் நட... மேலும் பார்க்க

சிஎஸ்கே அணியில் விளையாட 17 வயது மும்பை வீரருக்கு அழைப்பு!

சிஎஸ்கே அணியில் விளையாட 17 வயது மும்பை தொடக்க ஆட்டக்காரருக்கு அழைப்பு விடுக்கப்பட்டுள்ளது.5 முறை சாம்பியனான சென்னை சூப்பர் கிங்ஸ் அணிக்கு கடந்தாண்டைப் போலவே இந்தாண்டும் சுமாரான ஆண்டாகவே இருக்கிறது. மு... மேலும் பார்க்க

கோப்பையை வெல்வது மட்டும் மீதமிருக்கிறது: நிதீஷ் குமார் ரெட்டி

கோப்பையை வெல்வது மட்டுமே மீதமிருப்பதாக சன்ரைசர்ஸ் ஹைதராபாத் அணி வீரர் நிதீஷ் குமார் ரெட்டி தெரிவித்துள்ளார்.இந்த ஆண்டு ஐபிஎல் தொடரின் தொடக்கம் சன்ரைசர்ஸ் ஹைதராபாதுக்கு சிறப்பானதாக அமையவில்லை. இதுவரை 3... மேலும் பார்க்க

குற்றவுணர்ச்சியால் அதிக ரன்கள் குவித்தேன் : ஜாஸ் பட்லர்

ஆர்சிபிக்கு எதிரான போட்டியில் கேட்ச் தவறவிட்ட காரணத்தினால் அதிக ரன்கள் குவித்ததாக குஜராத் டைட்டன்ஸ் வீரர் ஜாஸ் பட்லர் கூறியுள்ளார். ஆர்சிபிக்கு எதிராக டாஸ் வென்ற குஜராத் அணி பந்துவீச்சை தேர்வு செய்ய ஆ... மேலும் பார்க்க

சச்சின் பதிவை 1,000 முறை படித்த ஷஷாங் சிங்..! இன்ஸ்டா பயன்பாட்டினை குறைக்க அறிவுறுத்திய கேப்டன்!

பஞ்சாப் சூப்பர் கிங்ஸ் யூடியூப் சேனலில் ஷஷாங் சிங் பேட்டியளித்துள்ளார். கடந்தாண்டும் சிறப்பாக விளையாடியதால் ஷஷாங் சிங் பஞ்சாப் அணியினால் ரூ.5.5 கோடிக்கு தக்கவைக்கப்பட்டார். கடந்தாண்டு 354 ரன்கள், 164.... மேலும் பார்க்க