இந்திய அணியின் அதிரடி ஆட்டக்காரரான சூர்யகுமார் யாதவ் டி20 போட்டிகளில் 8,000 ரன்களைக் கடந்து சாதனை படைத்துள்ளார்.
ஐபிஎல் தொடரில் மும்பை வான்கடே திடலில் கொல்கத்தா நைட் ரைடர்ஸ் அணிக்கு எதிராக அண்மையில் நடைபெற்ற போட்டியில் 8 விக்கெட்டுகள் வித்தியாசத்தில் மும்பை இந்தியன்ஸ் வெற்றி பெற்றது. இந்தப் போட்டியில் மும்பை இந்தியன்ஸ் அணியில் அறிமுக வீரராக களமிறங்கிய அஸ்வனி குமார் 4 விக்கெட்டுகளைக் கைப்பற்றி அசத்தினார். ரியான் ரிக்கல்டான் பேட்டிங்கில் சிறப்பாக செயல்பட்டார்.
இதையும் படிக்க: ஐபிஎல் அறிமுகப் போட்டியில் அசத்திய டாப் 5 பந்துவீச்சாளர்கள்!
சூர்யகுமார் யாதவ் சாதனை
கொல்கத்தா நைட் ரைடர்ஸ் அணிக்கு எதிரான போட்டியில் மும்பை இந்தியன்ஸ் அணி வீரர் சூர்யகுமார் யாதவ் அதிரடியாக 9 பந்துகளில் 27 ரன்கள் எடுத்து கடைசி வரை களத்தில் இருந்தார். அதில் 3 பவுண்டரிகள் மற்றும் 2 சிக்ஸர்கள் அடங்கும்.
இந்த போட்டியில் 27 ரன்கள் எடுத்ததன் மூலம் டி20 போட்டிகளில் 8,000 ரன்களைக் கடந்து சூர்யகுமார் யாதவ் சாதனை படைத்தார். டி20 போட்டிகளில் இதுவரை அவர் 8,007* ரன்கள் குவித்துள்ளார்.
x 8️⃣0️⃣0️⃣0️⃣* ☀️#MumbaiIndians#PlayLikeMumbaipic.twitter.com/bzICDIPK6O
— Mumbai Indians (@mipaltan) April 2, 2025
டி20 கிரிக்கெட்டில் அதிக ரன்கள் குவித்துள்ள இந்திய வீரர்கள்
விராட் கோலி - 12,976 ரன்கள்
ரோஹித் சர்மா - 11, 851 ரன்கள்
ஷிகர் தவான் - 9,797 ரன்கள்
சுரேஷ் ரெய்னா - 8,654 ரன்கள்
சூர்யகுமார் யாதவ் - 8,007 ரன்கள்
