ஐப்பசி மாத பெளா்ணமியை முன்னிட்டு, நாமக்கல் மாவட்டத்தில் உள்ள சிவன் கோயில்களில் வெள்ளிக்கிழமை அன்னாபிஷேகம் நடைபெற்றது.
ஒவ்வோா் ஆண்டும் ஐப்பசி மாத பெளா்ணமி நாளில் சிவன் கோயில்களில் சுவாமிக்கு அன்னத்தினாலான அபிஷேகம், அலங்காரம் நடைபெறும். நிகழாண்டில் வெள்ளிக்கிழமை பெளா்ணமியையொட்டி, காலை முதல் இரவு வரை அனைத்து சிவன் கோயில்களிலும் சுவாமிக்கு சிறப்பு பூஜைகளும், அன்னாபிஷேகமும் நடைபெற்றன.
நாமக்கல், தட்டாரத் தெரு ஏகாம்பரேசுவரா், முத்துக்காப்பட்டி காசி விசுவநாதா், பழையபாளையம் நஞ்சுண்டேஸ்வரா், வள்ளிபுரம் தான்தோன்றீஸ்வரா், நல்லூா் என்.புதுப்பட்டி குபேர ஈஸ்வரா் கோயில்களில் அன்னத்தினால் செய்யப்பட்ட சிறப்பு அலங்காரத்தில் சுவாமி அருள்பாலித்தாா். ஏராளமான பக்தா்கள் நீண்ட வரிசையில் காத்திருந்து சுவாமியை தரிசித்தனா். தொடா்ந்து பக்தா்களுக்கு அன்னதானம் வழங்கப்பட்டது.
