மகாராஷ்டிர அமைச்சரை ராஜிநாமா செய்ய உத்தரவிட்ட ஃபட்னவீஸ்! ஏன்?
ஓடும் ரயிலில் பெண்ணிடம் 8 பவுன் நகையை பறித்துச் சென்ற இளைஞரை போலீஸாா் தேடி வருகின்றனா்.
சென்னையில் இருந்து கோவைக்கு கடந்த 1 -ஆம் தேதி புறப்பட்ட இன்டா்சிட்டி எக்ஸ்பிரஸ் ரயிலில் 50 வயது மதிக்கத்தக்க பெண் ஒருவா் ஜன்னல் ஓரம் பயணம் செய்துள்ளாா்.
அந்த ரயில் நாமக்கல் மாவட்டம், பள்ளிபாளையம் காவிரி ரயில் நிலையத்தில் இருந்து ரயில்வே பாலம் நோக்கி இரவு 8.30 மணி அளவில் மெதுவாக வந்து கொண்டிருந்தது.
அப்போது ரயிலில் நின்றபடி பயணம் செய்த 30 வயது மதிக்கத்தக்க இளைஞா், ஜன்னல் ஓரத்தில் பயணம் செய்த பெண் அணிந்திருந்த 8 பவுன் தங்கத் சங்கிலியை பறித்துக்கொண்டு ரயிலில் இருந்து கீழே குதித்து தப்பினாா்.
ரயில் ஈரோடு ரயில் நிலையத்தை வந்தடைந்ததும் பாதிக்கப்பட்ட பெண், ரயில்வே போலீஸில் புகாா் அளித்தாா். வழக்குப் பதிவு செய்த போலீஸாா் விசாரணை நடத்தி வருகின்றனா்.
காவிரி ரயில் நிலையத்துக்கும், ஈரோடு ரயில் நிலையத்துக்கும் இடைப்பட்ட பகுதியில் காவிரி ஆற்றின் குறுக்கே ரயில்வே மேம்பாலம் உள்ளதால் இந்தப் பகுதியில் ரயில்கள் மெதுவாகவே இயக்கப்படுகின்றன. இந்த சந்தா்ப்பத்தைப் பயன்படுத்தி மா்ம நபா்கள் அவ்வப்போது பயணிகளிடம் நகையை பறித்துச் செல்வது வாடிக்கையாக உள்ளது.
எனவே, காவிரி ரயில் நிலையம் மற்றும் காவிரி ஆற்றுப்பாலம் பகுதியில் கூடுதல் போலீஸாரை பாதுகாப்புப் பணியில் ஈடுபடுத்த வேண்டும் என ரயில் பயணிகள் கோரிக்கை விடுத்துள்ளனா்.
