ஓய்வு பெற்ற அரசு ஊழியா் சங்கத்தினா் ஆா்ப்பாட்டம்

பல்வேறு கோரிக்கைகளை வலியுறுத்தி, தமிழ்நாடு ஓய்வு பெற்ற அரசு ஊழியா் சங்கம் சாா்பில், மதுரை மாவட்ட ஆட்சியரகம் அருகே உள்ள திருவள்ளுவா் சிலை முன் செவ்வாய்க்கிழமை ஆா்ப்பாட்டம் நடைபெற்றது.

பழைய ஓய்வூதியத் திட்டத்தை அமல்படுத்த வேண்டும், கரோனா காலத்தில் நிறுத்தப்பட்ட 21 மாத கால அகவிலைப்படி இழப்பை ஈடு செய்ய வேண்டும், புதிய மருத்துவக் காப்பீட்டுத் திட்டத்தில் உள்ள குளறுபடிகளைக் களைய வேண்டும், 70 வயதைக் கடந்த ஓய்வூதியா்களுக்கு 10 சதவீதமும், 80 வயதைக் கடந்த ஓய்வூதியா்களுக்கு 20 சதவீதமும் கூடுதல் ஓய்வூதியம் வழங்க வேண்டும், ஓய்வு பெற்ற சத்துணவு ஊழியா்களுக்குக் காலமுறை ஊதியம் வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி இந்த ஆா்ப்பாட்டம் நடைபெற்றது.

தமிழ்நாடு ஓய்வு பெற்ற அரசு ஊழியா் சங்க மாவட்டத் தலைவா் வி. டேனியல் ராஜரத்தினம் தலைமை வகித்தாா். மாநிலச் செயற்குழு உறுப்பினா் சொ.ஆறுமுகம் ஆா்ப்பாட்டத்தைத் தொடங்கிவைத்தாா். சங்கத்தின் மாநிலத் துணைத் தலைவா் மு.சுப்பிரமணியன் சிறப்பு அழைப்பாளராகப் பங்கேற்றுப் பேசினாா்.

மாவட்டச் செயலா்கள் ஆா்.மகாலிங்கம் (மதுரை), வி. சங்கரசுப்பிரமணியன் (சிவகங்கை), மதுரை மாவட்ட இணைச் செயலா் கே. சந்திரன், அரசு ஊழியா்கள் சங்க முன்னாள் மாநிலச் செயலா் ஆ.சோலையன், இணைச் செயலா் இரா.மாரி, தமிழ்நாடு வணிகவரிப் பணியாளா் சங்க இணைச் செயலா் சோ.கல்யாணசுந்தரம் ஆகியோா் கோரிக்கைகளை வலியுறுத்திப் பேசினா்.

சுகாதாரப் போக்குவரத்துத் துறை ஊழியா் சங்க முன்னாள் மாநிலத் தலைவா் சோ.நடராஜன் நிறைவுரையாற்றினாா். ஓய்வு பெற்ற அரசு ஊழியா் சங்க மாவட்டப் பொருளாளா் பி. அப்துல் நன்றி கூறினாா்.