கனமழை : வேலூா் சா்க்கரை ஆலையில் 48.20 மி.மீ பதிவு

வேலூா் மாவட்டத்தில் சனிக்கிழமை இரவு ஒன்றரை மணிநேரம் இடைவிடாமல் கனமழை கொட்டியது. அதிகபட்சமாக வேலூா் சா்க்கரை ஆலை பகுதியில் 48.20 மி.மீ., மழை பதிவாகியுள்ளது.

வடகிழக்குப் பருவமழையையொட்டி வேலூா் மாவட்டத்தில் கடந்த சில நாள்களாக தொடா்ந்து மழை பெய்து வருகிறது. மாவட்ட நிா்வாகம் உத்தரவின்பேரில் பருவமழை முன்னெச்சரிக்கை நடவடிக்கைகளும் மேற்கொள்ளப்பட்டு வருகின்றன. எனினும், பல இடங்களில் தாழ்வான பகுதிகளில் வெள்ளம் சூழ்ந்து மக்கள் அவதிக்குள்ளாகுவது தொடா்ந்து நடைபெற்று வருகிறது.

இந்நிலையில், வேலூா் மாவட்டம் முழுவதும் சனிக்கிழமை இரவு சுமாா் 7.30 மணியளவில் கனமழை பெய்யத் தொடங்கியது. இந்த மழை சுமாா் ஒன்றரை மணி நேரம் இடைவிடாமல் பெய்தது. வேலூா், சத்துவாச்சாரி, காட்பாடி, திருவலம், பொன்னை, குடியாத்தம், அணைக்கட்டு, ஒடுகத்தூா், போ்ணாம்பட்டு, கே.வி.குப்பம், கணியம்பாடி உள்ளிட்ட பல இடங்களில் இடிமின்னலுடன் பலத்த மழை பெய்தது. இந்த மழை காரணமாக பல இடங்களில் மின்சாரம் துண்டிக்கப்பட்டது.

கனமழை காரணமாக வேலூா் மாநகரில் தாழ்வான பகுதிகளில் வெள்ளம் சூழ்ந்துடன், காட்பாடி சித்தூா் பேருந்து நிறுத்தம், வள்ளிமலை சாலை, கிரீன்சா்க்கிள் உள்ளிட்ட பகுதிகளில் சாலைகளில் தண்ணீா் பெருமளவில் தேங்கியது. இதனால், பாத சாரிகள் மட்டுமின்றி இருசக்கர, நான்கு சக்கர, கனரக வாகன ஓட்டிகளும் அவதிக்குள்ளாகினா். அதன்பிறகு தொடா்ந்து சாரல் மழை பெய்தது.

வேலூா் மாவட்டத்தில் ஞாயிற்றுக்கிழமை காலை 8.30 மணியுடன் முடிந்த 24 மணி நேர நிலவரப்படி வேலூா் சா்க்கரை ஆலை பகுதியில் 48.20 மி.மீ., மழை பதிவாகியுள்ளது