நடிகர் கமல்ஹானை சண்டைப் பயிற்சியாளர்கள் அன்பறிவ் சகோதரர்கள் அமெரிக்காவில் சந்தித்துள்ளனர்.
தக் லைஃப் திரைப்படத்திற்குப் பின் நடிகர் கமல்ஹாசன் சண்டைப் பயிற்சியாளர்கள் அன்பறிவ் இயக்கும் படத்தில் நாயகனாக நடிக்கிறார்.
இவர்கள் இருவரும் கூலி படப்பிடிப்பில் இருப்பதால் நடிகர் கமல்ஹாசன் அமெரிக்கா சென்றார். அங்கு, அவர் ஏஐ தொழில்நுட்பம் குறித்து படித்து வருவதாகத் தெரிகிறது.
இதையும் படிக்க: பாதல் லோக் சீசன் - 2 வெளியீட்டுத் தேதி!
சில நாள்களுக்கு முன் அமெரிக்காவிலிருக்கும் புகைப்படத்தை வெளியிட்ட கமல்ஹாசன், புதிய திரைக்கதையுடன் இருப்பதாகக் கூறியிருந்தார்.
இந்த நிலையில், அமெரிக்காவின் சிகாகோ மாகாணத்திலிருக்கும் கமல்ஹாசனை அன்பறிவ் சகோதரர்கள் நேரில் சென்று சந்தித்து படம் குறித்து பேசி வருகின்றனர்.
இப்படம், டீ ஏஜிங் தொழில்நுட்பத்தில் பெரிய பொருள்செல்வில் உருவாக இருப்பதாகவும் தகவல்கள் தெரிவிக்கின்றன.
