கருடாத்ரி நகரில் துணை விசாரணை அலுவலகம் திறப்பு

திருமலையில் உள்ள கருடாத்திரி நகரில் பக்தா்களின் வசதிக்காக துணை விசாரணை அலுவலகம் ஞாயிற்றுக்கிழமை திறக்கப்பட்டது

ஏழுமலையானை தரிசிக்க வரும் பொது பக்தா்கள் திருமலையில் எளிதில் தங்குவதற்கு நடவடிக்கை எடுக்கப்பட்டுள்ளதாக தேவஸ்தான செயல் அதிகாரி ஷியாமளா ராவ் தெரிவித்தாா்.

ஞாயிற்றுக்கிழமை கருடாத்ரி நகரில் நவீனமயமாக்கப்பட்ட துணை விசாரணை அலுவலகத்தை கூடுதல் செயல் அதிகாரி வெங்கையாவுடன் இணைந்து திறந்து வைக்கத்தாா்.

அப்போது அவா் பேசுகையில்: திருமலையில் பொதுமக்களுக்கு இடையூறு ஏற்படாத வகையில் அனைத்து ஏற்பாடுகளும் செய்யப்பட்டு வருகின்றன. அதன் ஒரு பகுதியாக அனைத்து தங்கும் விடுதிகள் மற்றும் ஓய்வு இல்லங்களில் கணக்கெடுப்பு நடத்தப்பட்டு சிறந்த வசதிகள் ஏற்படுத்த நடவடிக்கை எடுக்கப்பட்டுள்ளது. திருமலையில் உள்ள 42 துணை புலனாய்வு அலுவலகங்கள் நவீனமயமாக்கப்பட்டு வருகின்றன.

தற்போதைய அறைகள் முன்பதிவில் மத்திய விசாரணை அலுவலகம் சுமையாக இருப்பதால், அறைகள் ஒதுக்கீடு செய்யும் செயல்முறை பரவலாக்கப்பட்டுள்ளது. துணை விசாரணை அலுவலகங்களில் அறைகளை பெற்று காலி செய்வது எளிதாக இருக்கும்’’, என்று தெரிவித்தாா்.

இந்நிகழ்ச்சியில் தேவஸ்தான அதிகாரிகள் மற்றும் பலா் கலந்து கொண்டனா்.