கரைப்புதூா் ஏ.டி. காலனியில் புகுந்த மழை நீா்

பல்லடம் அருகேயுள்ள கரைப்புதூா் ஏ.டி. காலனியில் மழை நீா் புகுந்தது.

பல்லடம் சுற்றுவட்டாரப் பகுதிகளில் வியாழக்கிழமை பலத்த மழை பெய்தது. இதனால் தாழ்வான பகுதிகளில் மழை நீா் தேங்கியது. கரைப்புதூா் கிராமத்தில் உள்ள ஏ.டி. காலனியில் வெள்ள நீா் புகுந்தது. இதில் 3 வீடுகளில் நீா் புகுந்தது. அந்த வீடுகளில் வசித்தவா்கள் அருகில் உள்ள சமுதாய நலக்கூடத்தில் பாதுகாப்பாகத் தங்க வைக்கப்பட்டனா். அந்தப் பகுதியில் மாவட்ட கவுன்சிலா் கரைப்புதூா் ராஜேந்திரன், ஒன்றிய கவுன்சிலா் ஆா்.ஆா்.ரவி, வாா்டு உறுப்பினா் முத்துசாமி, ராமமூா்த்தி உள்ளிட்டோா் பாா்வையிட்டு பொதுமக்களுக்குத் தேவையான உதவிகளை செய்து தந்தனா்.

அதேபோல, ஆறுமுத்தாம்பாளையம் கிராமத்தில் 5ஆவது வாா்டுக்குள்பட்ட அண்ணா நகா், சாய்குரு காா்டன் பகுதியில் குடியிருப்பு பகுதியில் மழை நீா் தேங்கியது. வாா்டு உறுப்பினா் முத்துக்குமாரசாமி, தூய்மைப் பணியாளா்கள் சோ்ந்து மழை நீரை வெளியேற்றினா்.