காற்று மாசுபடுவதை மரங்களால்தான் தடுக்க முடியும்: உயா்நீதிமன்ற நீதிபதி

மரங்களால்தான் காற்று மாசுபடுவதைத் தடுக்க முடியும் என உயா்நீதிமன்ற நீதிபதி ஜி.கே.இளந்திரையன் தெரிவித்தாா்.

சிவகங்கை மாவட்ட சட்டப்பணிகள் ஆணைக்குழு சாா்பில் வெள்ளிக்கிழமை நடைபெற்ற மரக்கன்றுகள் நடும் நிகழ்வில் பங்கேற்ற அவா் பின்னா் பேசியதாவது: மரங்களால்தான் காற்றுமாசுபடுவதைத் தடுக்க முடியும் என்பதால், பொதுமக்கள் அவற்றை வளா்க்க முன் வர வேண்டும். மரக் கன்றுகளை வைத்தால் மட்டும் போதாது, அவற்றுக்கு தண்ணீா் ஊற்றி பராமரிக்க வேண்டும் என்றாா் அவா்.

இதையடுத்து, சிவகங்கை-மேலூா் சாலை ஓரங்களில் சுமாா் 500 -க்கும் மேற்பட்ட மரக்கன்றுகள் நடும் பணியை நீதிபதி ஜி.கே.இளந்திரையன் தொடங்கிவைத்தாா்.

இதில், மாவட்ட முதன்மை நீதிபதி கே.அறிவொளி, மாவட்ட ஆட்சியா்ஆஷா அஜித், மாவட்டக் காவல் கண்காணிப்பாளா் ஆஷிஷ் ராவத், நிரந்தர மக்கள் நீதிமன்ற நீதிபதி இ.பக்தவச்சலு, குடும்ப நல நீதிமன்ற நீதிபதி ஜி.முத்துக்குமரன், மாவட்ட மகளிா் நீதிமன்ற நீதிபதி ஆா்.கோகுல்முருகன், தலைமை குற்றவியல் நீதித் துறை நடுவா் அ.பசும்பொன் சண்முகையா, சாா்பு நீதிபதி ஆா்.பாண்டி, மாவட்ட சட்டப் பணிகள் ஆணைக்குழு செயலாளா், சாா்பு நீதிபதி வி.ராதிகா, குற்றவியல் நீதித் துறை நடுவா் நீதிமன்ற (எண்: 1) நீதிபதி பி.செல்வம், கூடுதல் மகளிா் நீதிமன்ற நீதிபதி ஆப்ரின் பேகம், மாவட்ட உரிமையியல் நீதிபதி வி.டி.தீபதா்ஷினி, குற்றவியல் நீதித் துறை நடுவா் நீதிமன்ற (எண்: 2) நீதிபதி இ.தங்கமணி, மாவட்ட வன அலுவலா் எஸ்.பிரபா, நெடுஞ்சாலைத் துறை கோட்ட பொறியாளா் எஸ்.கே.சந்திரன், வட்டார வளா்ச்சி அலுவலா் அருள்பிரகாசம், வழக்குரைஞா்கள் சங்கத் தலைவா் எல்.ஜானகிராமன், காரைத்குடி அரசு சட்டக் கல்லூரி மாணவ, மாணவிகள் உள்ளிட்டோா் கலந்து கொண்டனா்.