கடலூா் மாவட்டம், நெய்வேலி உள்கோட்டம் காவல் துறை சாா்பில் வாராந்திர கவாத்து நெய்வேலி வட்டம் 18 பகுதியில் உள்ள செக்யூரிட்டி திடலில் சனிக்கிழமை நடைபெற்றது.
கடலூா் எஸ்.பி. எஸ்.ஜெயக்குமாா் பங்கேற்று, கலக கூட்டத்தை கட்டுப்படுத்துவது, வஜ்ரா வாகனம் மூலம் கண்ணீா் புகை குண்டு வெடிக்கச் செய்வது, வருண் வாகனம் மூலம் தண்ணீா் பீய்ச்சியடிப்பது உள்ளிட்ட பயிற்சிகளை பாா்வையிட்டாா்.
தொடா்ந்து, நெய்வேலி உள்கோட்ட காவல் அதிகாரிகள் மற்றும் காவலா்களிடம் குறைகளைக் கேட்டறிந்து, அறிவுரைகள், ஆலோசனைகளை வழங்கினாா்.
நெய்வேலி டி.எஸ்.பி. ராதாகிருஷ்ணன், காவல் ஆய்வாளா்கள், உதவி ஆய்வாளா்கள், காவலா்கள், ஆயுதப் படை காவலா்கள் கவாத்தில் பங்கேற்றனா்.
