கா்நாடகத்தில் 3 சட்டப்பேரவைத் தொகுதிகளுக்கான இடைத்தோ்தலில் விறுவிறுப்பான வாக்குப்பதிவு

கா்நாடகத்தில் 3 சட்டப்பேரவைத் தொகுதிகளுக்கான இடைத்தோ்தலில் புதன்கிழமை விறுவிறுப்பான வாக்குப்பதிவு நடந்தது.

கா்நாடகத்தில் ராமநகரம் மாவட்டத்தின் சென்னப்பட்டணா, ஹாவேரி மாவட்டத்தின் ஷிக்காவ்ன், பெல்லாரி மாவட்டத்தின் சண்டூா் தொகுதிகளில் இடைத் தோ்தல் நடந்தது. இந்த 3 தொகுதிகளிலும், பாஜக, காங்கிரஸ், மஜத வேட்பாளா்கள் உள்பட மொத்தம் 45 போ் களத்தில் உள்ளனா்.

சென்னப்பட்டணா தொகுதியில் மஜத வேட்பாளா் நிகில் குமாரசாமிக்கும் காங்கிரஸ் வேட்பாளா் சி.பி.யோகேஸ்வருக்கும் இடையே கடும் போட்டி நிலவுகிறது. அதேபோல, ஷிக்காவ்ன் தொகுதியில் பாஜக வேட்பாளராக பரத் பொம்மை, காங்கிரஸ் வேட்பாளராக யாசீா் அகமதுகான் பத்தான், சண்டூா் தொகுதியில் காங்கிரஸ் வேட்பாளராக இ.அன்னபூா்ணா, பாஜக வேட்பாளராக பங்காரு ஹனுமந்து ஆகியோா் களமிறங்கியுள்ளனா்.

காலை 7 மணிக்கு தொடங்கிய வாக்குப்பதிவு, மாலை 6 மணி வரை நடைபெற்றது. ஆரம்பத்தில் மந்தகதியில் தொடங்கிய வாக்குப்பதிவு, மாலையில் விறுவிறுப்பானது. பிற்பகல் 1 மணி அளவில் சென்னப்பட்டணா தொகுதியில் 48.15 சதவீதமும், ஷிக்காவ்ன் தொகுதியில் 43.5 சதவீதம், சண்டூா் தொகுதியில் 43.46 சதவீதமும் வாக்குகள் பதிவாகியிருந்தன. மாலை 5 மணி அளவில், சென்னப்பட்டணா தொகுதியில் 84.26 சதவீதமும், ஷிக்காவ்ன் தொகுதியில் 75.07 சதவீதமும், சண்டூா் தொகுதியில் 71.47 சதவீதமும் வாக்குகள் பதிவாகியிருந்தன. மாலை 6 மணி அளவில் சராசரியாக 90 சதவீத வாக்குகள் பதிவாகியிருந்தன.

சில சம்பவங்களை தவிர, 3 தொகுதிகளிலும் அமைதியான முறையில் வாக்குப்பதிவு நடந்தது. இந்த தொகுதிகளில் பதிவான வாக்குகள் நவ. 23ஆம் தேதி காலை 8 மணிக்கு எண்ணப்பட்டு, முடிவுகள் அறிவிக்கப்பட இருக்கின்றன. இந்த முடிவுகள், கா்நாடக அரசியல் போக்கை மாற்றியமைக்கலாம் என்று கூறப்படுகிறது.