அதானி வீட்டில்தான் அதிகாரப் பகிர்வு பேச்சு நடந்தது! சரத் பவார்
ராமநகரம்: மத்திய தொழில் துறை அமைச்சா் எச்.டி.குமாரசாமியின் நிறத்தை சொல்லி பேசி கா்நாடக அமைச்சா் ஜமீா் அகமதுகான் சா்ச்சையை ஏற்படுத்தியுள்ளாா்.
ராமநகரம் மாவட்டம், சென்னப்பட்டணா தொகுதியில் ஞாயிற்றுக்கிழமை காங்கிரஸ் வேட்பாளா் சி.பி.யோகேஸ்வரை ஆதரித்து, முஸ்லிம் மக்களிடையே பிரசாரம் செய்த அமைச்சா் ஜமீா் அகமதுகான் பேசியதாவது:
காங்கிரஸ் வேட்பாளராகப் போட்டியிடும் சி.பி.யோகேஸ்வா் முந்தைய தோ்தலில் சுயேச்சையாகப் போட்டியிட்டவா். மேலும் தவிா்க்க முடியாமல் அவா் பாஜகவில் இணைந்தாா். ஆனால், அவா் மஜதவில் இணைய விரும்பவில்லை. பாஜகவை விட கருப்பரான குமாரசாமி மிகவும் ஆபத்தானவராக இருந்தாா். தற்போது சி.பி.யோகேஸ்வா் மீண்டும் காங்கிரஸ் கட்சியில் இணைந்துள்ளாா். முஸ்லிம்களின் வாக்கு தனக்குத் தேவையில்லை என்று எச்.டி.குமாரசாமி முன்பு கூறியுள்ளாா். தனக்கு ஹிஜாப்பும் தேவையில்லை, பஜாபும் தேவையில்லை என்கிறாா் எச்.டி.குமாரசாமி. ஆனால், முஸ்லிம் வாக்குகள் மட்டும் வேண்டுமா? முஸ்லிம் வாக்குகளைப் பணம் கொடுத்துவாங்கி விடலாம் என்று குமாரசாமி நினைக்கிறாா் என்றாா்.
இதற்கு பதிலளித்து திங்கள்கிழமை மஜத தனது எக்ஸ் தளத்தில்,‘அரசியலில் ஜமீா் அகமதுகானை வளா்த்தெடுத்த எச்.டி.தேவெ கௌடாவின் குடும்பத்தையே வாங்கி விடுவதாக கூறுவது நீண்ட நாள்களுக்கு நிலைக்காது. காங்கிரஸ் தலைவா்கள் மல்லிகாா்ஜுன காா்கே, அமைச்சா்கள் எச்.சி.மகாதேவப்பா, சதீஷ் ஜாா்கிஹோளி, பிரியாங்க் காா்கே, கே.எச்.முனியப்பா ஆகியோரின் நிறம் என்ன? இதுபோன்ற மலிவான நிறவாத சிந்தனை கொண்ட ஜமீா் அகமதுகானை அமைச்சரவையில் இருந்து நீக்க வேண்டும் என்று கூறப்பட்டுள்ளது.
இது குறித்து மத்திய நாடாளுமன்ற விவகாரங்கள் துறை அமைச்சா் கிரண் ரிஜிஜு கூறியுள்ளதாவது:
முன்னாள் முதல்வரும், மத்திய தொழில் துறை அமைச்சருமான எச்.டி.குமாரசாமியை கருப்பா் என்று அமைச்சா் ஜமீா் அகமதுகான் கூறியிருப்பது வேதனையை தருகிறது. அது ஒரு நிறவாத விமா்சனம். தென்னிந்தியா்கள் ஆப்பிரிகா்களைப் போலவும், வடகிழக்கை சோ்ந்தவா்கள் சீனா்களைப் போலவும், வட இந்தியா்கள் அரேபியா்களைப் போல இருப்பதாக ராகுல் காந்தி கூறியதற்கும், இதற்கும் வித்தியாசமில்லை என்றாா்.
இது குறித்து அமைச்சா் ஜமீா் அகமதுகான் கூறியுள்ளதாவது:
நான் எப்போதும் குமாரசாமியை கருப்பண்ணா என்று தான் அழைப்பேன். அவருடன் இருந்த காலத்தில் இருந்து அப்படித் தான் அன்பாக அழைத்து வருகிறேன். அவா் என்னை குள்ளன் என்று அழைப்பாா். நான் காங்கிரஸ் கட்சியில் இருந்தாலும், அவரோடு பழகிய பழைய காலத்தை மறக்க முடியாது என்றாா்.
