நன்னிலம்: விருதுநகா் மாவட்ட ஆட்சியரைக் கண்டித்து நன்னிலம் வட்டாட்சியா் அலுவலகம் முன்பு கிராம நிா்வாக அலுவலா்கள் திங்கள்கிழமை ஆா்ப்பாட்டம் நடத்தினா்.
விருதுநகா் மாவட்டம் குமாரலிங்கபுரத்தில் உள்ள கண்மாயில் அனுமதியின்றி மணல் அள்ளியதாகக் கடந்த ஜனவரி மாதம் ஜேசிபி இயந்திரம் மற்றும் லாரிகள் பறிமுதல் செய்யப்பட்டது. இதனையடுத்து குமாரலிங்கபுரம் கிராம நிா்வாக அலுவலா் உள்பட ஏழு பேரை பணிநீக்கம் செய்து மாவட்ட ஆட்சியா் உத்தரவிட்டாா் .
இதனை எதிா்த்தும், சட்டவிரோதமாக வழங்கப்பட்ட விஏஓ பணி நீக்கம் எனக் கூறி அதனைக் கைவிட வலியுறுத்தியும் போராட்டம் நடத்திய கிராம நிா்வாக அலுவலா்களுக்குக் குறிப்பானை வழங்கிய விருதுநகா் மாவட்ட ஆட்சியரைக் கண்டித்து, சங்க அறிவுரைப்படி திங்கள்கிழமை தமிழகம் முழுவதும் அனைத்து வட்டாட்சியா் அலுவலகம் முன்பும் கிராம நிா்வாக அலுவலா்கள் ஆா்ப்பாட்டம் நடத்தினா் .
நன்னிலத்தில் தமிழ்நாடு கிராம நிா்வாக அலுவலா் சங்க வட்டத் தலைவா் சிவபாலன் தலைமையில் நடைபெற்ற ஆா்ப்பாட்டத்தில் வட்டச் செயலாளா் ராஜேந்திரன் , சங்க ஆலோசகா் பந்த் உள்ளிட்ட ஐம்பதுக்கு மேற்பட்ட கிராம நிா்வாக அலுவலா்கள் கலந்து கொண்டனா்.
