கிரேட்டா் நொய்டாவில் ஐடிபிபி ஜவான் சந்தேகத்திற்கிடமான முறையில் மரணம்

கிரேட்டா் நொய்டா: இந்தோ - திபெத்திய எல்லை காவல் படையின் (ஐடிபிபி) 39-ஆவது பட்டாலியனைச் சோ்ந்த ஜவான் ஒருவா் கிரேட்டா் நொய்டாவில் பட்டாலியன் அமைத்த வளாகத்தின் கழிப்பறையில் சந்தேகத்திற்கிடமான முறையில் இறந்து கிடந்ததாக போலீஸாா் வியாழக்கிழமை தெரிவித்தனா்.

இறந்தவா் சஜ்ஜன் சிங் 59 என அடையாளம் காணப்பட்டுள்ளாா்.அவா் சூரஜ்பூா் காவல் நிலையப் பகுதியில் அமைந்துள்ள ஐடிபிபியின் 39ஆவது பட்டாலியனில் உதவி துணை ஆய்வாளராக நியமிக்கப்பட்டாா்.

சூரஜ்பூா் காவல் நிலையப் பொறுப்பாளா் இன்ஸ்பெக்டா் வினோத் குமாா் கூறுகையில், சஜ்ஜன் சிங் காலையில் கழிப்பறைக்குச் சென்றாா். பின்னா் சந்தேகத்திற்கிடமான சூழ்நிலையில் இறந்து கிடந்தது தெரிய வந்தது என்றாா்.

தகவல் கிடைத்ததும், போலீஸாா் சம்பவ இடத்திற்கு வந்து, உடலைக் கைப்பற்றி பிரேத பரிசோதனைக்கு அனுப்பி வைத்தனா்.

சஜ்ஜன் சிங்கின் குடும்பத்தினருக்கு தகவல் தெரிவிக்கப்பட்டுள்ளது. பிரேத பரிசோதனை அறிக்கை கிடைத்த பின்னரே மரணத்திற்கான சரியான காரணம் தீா்மானிக்கப்படும் என்று இன்ஸ்பெக்டா் வினோத் குமாா் கூறினாா்.