குடியரசு தின கொண்டாட்டம், தில்லி பேரவைத் தோ்தல்: மாநிலங்களுக்கு இடையேயான ஒருங்கிணைப்புக் கூட்டம்

குடியரசு தின கொண்டாட்டங்கள் மற்றும் தில்லி சட்டப்பேரவைத் தோ்தல்களுக்கு முன்னதாக பல்வேறு சட்ட அமலாக்க நிறுவனங்களுக்கிடையேயான ஒத்துழைப்பை வலுப்படுத்தவும், பாதுகாப்பு கவலைகளை நிவா்த்தி செய்யவும் தில்லி காவல்துறை புதன்கிழமை மாநிலங்களுக்கு இடையேயான ஒருங்கிணைப்பு கூட்டத்தை நடத்தியதாக அதிகாரிகள் தெரிவித்தனா்.

தில்லி காவல்துறை ஆணையா் சஞ்சய் அரோரா தலைமையில் நடைபெற்ற இந்தக் கூட்டத்தில் ஹரியாணா, பஞ்சாப், உத்தர பிரதேசம், மத்தியப் பிரதேசம், ஜாா்க்கண்ட், உத்தரகண்ட், பிகாா், ராஜஸ்தான், சண்டீகா் மற்றும் ஜம்மு காஷ்மீா் ஆகிய மாநிலங்களைச் சோ்ந்த மூத்த காவல் துறை அதிகாரிகள் கலந்து கொண்டனா்.

அதிகாரிகள் பல்வேறு விஷயங்கள் தொடா்பான உள்ளீடுகள் மற்றும் உளவுத்துறை தகவல்களைப் பரிமாறிக் கொண்டனா். மேலும் எல்லையில் சோதனை, சந்தேகத்திற்கிடமான நபா்களின் சரிபாா்ப்புகள் உள்ளிட்ட பயங்கரவாத எதிா்ப்பு நடவடிக்கைகளை வலுப்படுத்தவும் தீா்மானிக்கப்பட்டது என்று போலீஸாா் தெரிவித்தனா்.

சந்தேகத்திற்கிடமான நபா்களைக் கண்காணிக்கவும், எந்தவொரு தீய நோக்கங்களையும் முறியடிக்க எந்தவொரு நாசவேலை நடவடிக்கைகளையும் முன்கூட்டியே எதிா்பாா்க்கவும் சம்பந்தப்பட்ட அனைவருக்கும் சஞ்சய் அரோரா அறிவுறுத்தினாா்.

சந்தேகத்திற்கிடமான நபா்கள், வாகனங்களின் இயக்கம் குறித்த தகவல்களையும் அளிக்க வலியுறுத்தப்பட்டது. தேசியத் தலைநகா் வலயம் (என்சிஆா்) பகுதியில் செயல்படும் மாநிலங்களுக்கு இடையேயான குற்றக் கும்பல்கள் மற்றும் சட்டவிரோதத் துப்பாக்கிகள், சட்டவிரோத மதுபானம், பணம் மற்றும் போதைப்பொருள் விநியோகம் போன்ற நிகழ்வுகளும் கூட்டத்தில் விரிவாக விவாதிக்கப்பட்டன.

குடியரசு தின கொண்டாட்டங்களின் போது போக்குவரத்து ஒழுங்குமுறைக்கான ஒருங்கிணைப்பு வகுக்கப்பட்டுள்ளதாக சிறப்பு காவல் ஆணையா் குற்றம் தேவேஷ் சந்திர ஸ்ரீவஸ்தவா தெரிவித்தாா். இந்திய தோ்தல் ஆணையத்தின் வழிகாட்டுதல்களை கண்டிப்பாகவும் திறம்படவும் செயல்படுத்துவதும், தில்லி சட்டப்பேரவைத் தோ்தலின் போது விதி மீறல்களை ஏற்றுக் கொள்ள முடியாது என்றும் வலியுறுத்தப்பட்டது. மாநில எல்லைகளில் காவல்துறையின் கண்காணிப்பை அதிகரிக்க திட்டமிடப்பட்டுள்ளது என்று அவா் கூறினாா்.

ஜன.26 அன்று குடியரசு தினம் கொண்டாடப்படும். அதே நேரத்தில் 70 உறுப்பினா்களைக் கொண்ட தில்லி சட்டப்பேரவைக்கான வாக்குப்பதிவு பிப்.5- ஆம் தேதி ஒரே கட்டமாக நடைபெறும். வாக்கு எண்ணிக்கை பிப்.8-ஆம் தேதி நடைபெறும்.