குடிநீா் விநியோகம் பாதிப்பு: பொதுமக்கள் புகாா்

ஆம்பூா் அருகே கீழ்முருங்கை கிராமத்தில் குடிநீா் விநியோகம் செய்யப்படாததால் பாதிப்பு ஏற்பட்டுள்ளதாக பொதுமக்கள் புகாா் தெரிவித்துள்ளனா்.

மாதனூா் ஒன்றியம் கீழ்முருங்கை கிராமத்தில் கடந்த 15 நாள்களாக பொதுமக்களுக்கு குடிநீா் விநியோகம் செய்யப்படவில்லை. இதுகுறித்து பொதுமக்கள் புகாா் தெரிவித்ததை தொடா்ந்து ஒன்றியக்குழு தலைவா் ப.ச. சுரேஷ்குமாா் கீழ்முருங்கை கிராமத்துக்கு சென்று ஆய்வு செய்தாா். அந்த கிராமத்தில் உள்ள 4 ஆழ்துளை கிணறுகள், குடிநீா் விநியோக பைப்லைன் ஆகியவற்றை ஒன்றிய பொறியாளா் ஆய்வு செய்து அதில் ஏற்பட்டுள்ள பிரச்னைகளை சரி செய்து 2 நாள்களில் குடிநீா் விநியோகம் செய்ய நடவடிக்கை எடுக்க வேண்டுமென அறிவுறுத்தினாா்.

ஒன்றியக்குழு உறுப்பினா்கள் மனோரஞ்சிதம் ரவி, ஆ. காா்த்திக் ஜவஹா், ஊராட்சி மன்றத் தலைவா் நவமணி ரகு, துணைத் தலைவா் பெருமாள் ஆகியோா் உடனிருந்தனா்.