குடிபோதையில் குளித்தவா் குளத்தில் மூழ்கி உயிரிழப்பு

ஆா்.கே.பேட்டை அருகே கொள்ளாபுரி அம்மன் கோயில் குளத்தில் குடிபோதையில் குளிக்க சென்றவா் மூழ்கி இறந்தாா்.

ராணிப்பேட்டை மாவட்டம் சோளிங்கா் வட்டம் கீழாண்ட மோட்டூா் கிராமத்தைச் சோ்ந்தவா் வரதன்(47). இவா், புதன்கிழமை ஆா்.கே.பேட்டையில் உள்ள அவரது மருமகன் ரங்கநாதன் என்பவரின் வீட்டில் பணிகளை முடித்து விட்டு, களைப்பாக இருப்பதால் குளத்தில் குளித்து விட்டு செல்வதாக கூறிவிட்டு சென்றாா்.

பின்னா் காலை 11 மணியளவில் ஆா்கே பேட்டை ஒன்றியம் கொள்ளாபுரி அம்மன் கோயில் குளத்தில் வரதன் இறந்து கிடப்பதாக போலீஸாருக்கும் தீயணைப்பு துறையினருக்கும் தகவல் கிடைத்தது.

அதன் பேரில் எஸ்.ஐ. ஜெகநாதன் மற்றும் தீயணைப்பு வீரா்கள் விரைந்து சென்று இறந்தவரை மீட்டு பிரேத பரிசோதனைக்காக சோளிங்கா் அரசு மருத்துவமனைக்கு அனுப்பி வைத்தனா். இதுகுறித்து ஆா்.கே.பேட்டை போலீஸாா் வழக்குப் பதிவு செய்து விசாரணை செய்து வருகின்றனா்.