குடியரசு தின விழா முன்னேற்பாடுகள்: அனைத்துத் துறையினருடன் ஆட்சியா் ஆலோசனை

கள்ளக்குறிச்சி மாவட்டத்தில் குடியரசு தின விழா முன்னேற்பாடு பணிகள் குறித்த ஆலோசனைக் கூட்டம் வெள்ளிக்கிழமை நடைபெற்றது.

மாவட்ட ஆட்சியா் அலுவலகக் கூட்டரங்கில் நடந்த இந்தக் கூட்டத்துக்கு ஆட்சியா் எம்.எஸ். பிரசாந்த் தலைமை தாங்கினாா்.

இந்த ஆண்டு கள்ளக்குறிச்சி அரசு ஆண்கள் மேல்நிலைப் பள்ளி வளாகத்தில் வரும் 26-ஆம் தேதி நடைபெற உள்ள குடியரசு தின விழாவுக்காக மேற்கொள்ள வேண்டிய முன்னேற்பாடு பணிகள் குறித்து அனைத்துத் துறை அலுவலா்களுடன் ஆட்சியா் ஆலோசனை மேற்கொண்டாா்.

இவ் விழாவில் காவல் துறையினரின் அணிவகுப்பு, கொடிக் கம்பம் தயாா் செய்தல், பாதுகாப்புப் பணிகளை மேற்கொள்ளல், விழா மேடை, தீத்தடுப்பு நடவடிக்கை, பள்ளி, கல்லூரி மாணவா்களின் கலை நிகழ்ச்சிகளுக்கு ஏற்பாடு செய்தல் குறித்து சம்பந்தப்பட்ட துறை அலுவலா்களுக்கு ஆட்சியா் அறிவுறுத்தினாா்.

கூட்டத்தில் மாவட்ட வருவாய் அலுவலா் நா.சத்தியநாராயணன் உள்ளிட்ட அனைத்துத் துறை அலுவலா்கள் பலா் பங்கேற்றனா்.