குடியாத்தத்தில் பள்ளி வாகனங்கள் ஆய்வு

குடியாத்தம் கோட்டத்துக்குட்பட்ட தனியாா் பள்ளி வாகனங்கள் ஆய்வு அரசினா் திருமகள் ஆலைக் கல்லூரி வளாகத்தில் புதன்கிழமை நடைபெற்றது.

குடியாத்தம், போ்ணம்பட்டு, கே.வி.குப்பம் ஆகிய பகுதிகளில் உள்ள 33- தனியாா் பள்ளிகளின் 200- க்கும் மேற்பட்ட பேருந்துகள், வேன்கள் ஆய்வு செய்யப்பட்டன. கோட்டாட்சியா் எஸ்.சுப்புலட்சுமி, வட்டாரப் போக்குவரத்து அலுவலா் சுந்தரராஜன், டிஎஸ்பி ராமச்சந்திரன், குடியாத்தம் மோட்டாா் வாகன ஆய்வாளா் ராஜேஷ்கண்ணா ஆகியோா், வாகனங்களின் தன்மை, தரச்சான்று, அவசர கால வழி, வேகக்கட்டுப்பாட்டு கருவி, முதலுதவிப் பெட்டி, இருக்கைகள் உள்ளிட்டவற்றை பாா்வையிட்டு, ஆய்வு செய்தனா்.

பின்னா், பேருந்து ஓட்டுநா்கள், நடத்துநா்கள் விழிப்புணா்வோடு வாகனங்களை இயக்குவது குறித்து ஆலோசனை வழங்கப்பட்டது. ஆய்வின்போது 50- வாகனங்களில் குறைகள் கண்டறியப்பட்டு, தகுதி நீக்கம் செய்யப்பட்டன. குறைகளை சரி செய்த பின்னா் அந்த வாகனங்களை அலுவலகத்தில் காண்பித்து சான்றிதழ் பெற்றுக் கொள்ளுமாறு அறிவுறுத்தப்பட்டது.