குழந்தைகளுக்கு தமிழில் பெயா் வையுங்கள்: துணை முதல்வா் உதயநிதி ஸ்டாலின்

குழந்தைகளுக்கு தமிழில் பெயா் வையுங்கள் என தூத்துக்குடியில் நடைபெற்ற திருமண விழாவில் துணை முதல்வா் உதயநிதி ஸ்டாலின் மணமக்களுக்கு வேண்டுகோள் விடுத்தாா்.

விருதுநகா் மாவட்டம், ராஜபாளையம் சட்டப்பேரவை உறுப்பினா் தங்கப்பாண்டியன் இல்ல திருமண விழா தூத்துக்குடி எட்டயபுரம் சாலையில் உள்ள தனியாா் மண்டபத்தில் வியாழக்கிழமை நடைபெற்றது. இந்நிகழ்ச்சியில் துணை முதல்வா் உதயநிதி ஸ்டாலின் பங்கேற்று திருமணத்தை நடத்தி வைத்து பேசியது:

சுயமரியாதை திருமணங்கள் திராவிட இயக்கங்கள் உருவானதால் தான் நடந்து வருகின்றன. தமிழில் திருமணம், தமிழில் அா்ச்சனை என்பதெல்லாம் திராவிட இயக்கம் தோன்றியதால்தான் வந்தது. கோயில் கருவறையில் கூட இன்றைக்கு தமிழ் ஓசை கேட்கிறது.

பெண்களுக்கு சொத்தில் சம உரிமை பெற்றுத் தந்தது திராவிட இயக்கத் தலைவா்கள்தான். தற்போது வரை பெண்களுக்குதான் மிக அதிக அளவில் முக்கியத்துவம் கொடுத்து திட்டங்கள் செயல்படுத்தப்பட்டு வருகின்றன. மகளிா் உரிமைத் தொகை திட்டம், புதுமைப்பெண் திட்டம், பெண்களின் சுமையை போக்க குழந்தைகளுக்கு காலை உணவு திட்டம் என்று எண்ணற்ற திட்டங்கள் தற்போது செயல்படுத்தப்பட்டு வருகின்றன.

மகளிா் உரிமைத்தொகை தகுதி உள்ள அனைத்து பெண்களுக்கும் கிடைக்கும்வகையில் நடவடிக்கை எடுக்கப்பட்டு வருகிறது. தம்பதிகளுக்கு ஒரு வேண்டுகோளாக நான் வைக்க விரும்புவது அழகான தமிழில் பெயா் வைக்க வேண்டும் என்பதுதான். அனைவரும் இதனை செயல்படுத்தினால் மகிழ்ச்சியாக இருக்கும் என்றாா்.