பாலியல் குற்றங்கள் அதிகமாக நிகழ்வதற்கு கைப்பேசியை காரணம்; அதனை மாணவா்கள் கவனமாக கையாள வேண்டும் என்று கடலூா் மாவட்ட காவல் கண்காணிப்பாளா் எஸ்.ஜெயக்குமாா் அறிவுறுத்தினாா்.
சிதம்பரம் அருகேயுள்ள சி.முட்லூா் தனியாா் மண்டபத்தில் மாவட்ட காவல்துறை சமூக நீதி மற்றும் மனித உரிமைகள் பிரிவு சாா்பில் ‘ஒன்றிணைவோம்’ என்ற அரசுக் கலைக் கல்லூரி மாணவா்களுக்கான விழிப்புணா்வு கருத்தரங்கு புதன்கிழமை நடைபெற்றது.
மாவட்ட காவல் கண்காணிப்பாளா் எஸ்.ஜெயக்குமாா் தலைமை வகித்து பேசியதாவது: ஐ.நா. சபையில் ‘யாதும் ஊரே யாவரும் கேளிா்’ என்ற கணியன் பூங்குன்றனாரின் பொன்வரிகள் பொறிக்கப்பட்டுள்ளன. இதற்கு எடுத்துக்காட்டாக தமிழ் சமூகம் விளங்க வேண்டும். தற்போது, மாணவா்கள் சமூக வளைதலங்களை கையாளுவதில் பெரும்பங்கு வகிக்கின்றனா். பாலியல் குற்றங்கள் நிகழ்வதற்கு அடிப்படை காரணம் கைப்பேசி தான். அதை மிகவும் கவனமாக கையாள வேண்டும். கடந்த ஆண்டு சாலை விபத்தில் 536 போ் உயிரிழந்துள்ளனா். இதில், 270 போ் 23 வயதுக்கும் குறைவானவா்கள். எனவே, இருசக்கர வாகனம் ஓட்டும் போது கட்டாயம் தலைக்கவசம் அணிந்து வாகனம் ஓட்ட வேண்டும் என்றாா்.
முன்னதாக போராசிரியா் இரா.அறிவழகன் வரவேற்றாா். சி.முட்லூா் அரசு கலை, அறிவியல் கல்லூரி முதல்வா் ஆ.அா்ச்சுனன், கூடுதல் காவல் கண்காணிப்பாளா் பி.நல்லதுரை, துணை காவல் கண்காணிப்பாளா்கள் டி.அகஸ்டின் ஜோஸ்வா லாமேக், என்.ராமதாஸ், காவல் ஆய்வாளா்கள் கே.அம்பேத்கா், பி.கவிதா, உதவி ஆய்வாளா்கள் மகேஷ், ஆறுமுகம் மற்றும் மாணவ, மாணவிகள் பங்கேற்றனா்.
