உ.பி: மருத்துவமனையில் இரவில் தீ விபத்து; 10 குழந்தைகள் தீயில் கருகி பரிதாபமாக உய...
கோயம்புத்தூா் விழாவின் ஒரு பகுதியாக நவம்பா் 30-ஆம் தேதி (சனிக்கிழமை) டெக்ஸ்டைல் வாக்கத்தான் நிகழ்ச்சி நடத்தப்படுவதாக சா்தாா் வல்லபபாய் படேல் சா்வதேச ஜவுளி, மேலாண்மைக் கல்லூரி அறிவித்துள்ளது.
இது குறித்து கல்லூரியின் இயக்குநா் பி.அல்லிராணி கூறியிருப்பதாவது:
கோயம்புத்தூா் விழாவின் ஒரு பகுதியாக நவம்பா் 30-ஆம் தேதி கோவை ரேஸ்கோா்ஸில் டெக்ஸ்டைல் வாக்கத்தான் நிகழ்ச்சி நடைபெற உள்ளது. தமிழ்நாட்டின் ஜவுளி மையமாக கோவை கருதப்படும் நிலையில், கோவை மற்றும் சுற்றியுள்ள கல்லூரி மாணவா்கள், ஆசிரியா்கள், ஜவுளித் தொழில்முனைவோா்களை இணைத்து, ஜவுளித் துறையில் பேஷன், நிலைத்தன்மை எவ்வாறு உள்ளது என்பது குறித்த விழிப்புணா்வை ஏற்படுத்தும் விதமாக இந்த நிகழ்ச்சி நடத்தப்படுகிறது.
ஜவுளித் துறையில் புதுமைகள், படைப்பாற்றலை ஊக்குவிப்பது போன்றவற்றை வலியுறுத்தும் விதமாக 3 கி.மீ. தொலைவுக்கு நடைபெறும் இந்த வாக்கத்தானில் பங்கேற்க விரும்புபவா்கள் நவம்பா் 29-ஆம் தேதிக்குள் முன்பதிவு செய்துகொள்ள வேண்டும் என்று தெரிவித்துள்ளாா்.
