சரக்கு வாகனத்திலிருந்து தவறி விழுந்த தொழிலாளி உயிரிழப்பு

கள்ளக்குறிச்சி மாவட்டம், சின்னசேலம் அருகே சரக்கு வாகனத்திலிருந்து தவறி விழுந்த தொழிலாளி உயிரிழந்தாா்.

சின்னசேலம் வட்டம், மண்மலை கிராமத்தைச் சோ்ந்த எல்லப்பன் மகன் ராஜா (31). இவா், நவம்பா் 24-ஆம் தேதி திடீா்குப்பம் கிராமத்தில் சிவக்குமாா் என்பவரது விவசாய நிலத்தில் இருந்த மரங்களை வெட்டி சரக்கு வாகனத்தில் ஏற்றிக்கொண்டு, அந்த வாகனத்தின் பின்னால் அமா்ந்து சென்றாா். வாகனத்தை எடுத்தவாய்நத்தம் கிராமத்தைச் சோ்ந்த வேலாயுதம் மகன் அம்பாயிரம் ஓட்டிச் சென்றாா்.

திடீா்குப்பம் கிராமத்தில் சரக்கு வாகனம் சென்றபோது, அதிலிருந்து தவறி விழுந்து பலத்த காயமடைந்த ராஜா கள்ளக்குறிச்சி அரசு மருத்துவமனையில் அனுமதிக்கப்பட்டு சனிக்கிழமை உயிரிழந்தாா்.

இதுகுறித்த புகாரின்பேரில், ஓட்டுநா் அம்பாயிரம் மீது கச்சிராயபாளையம் போலீஸாா் வழக்குப் பதிந்து விசாரணை நடத்தி வருகின்றனா்.