சிதம்பரம் திருச்சித்திரக்கூடம் கோவிந்தராஜப் பெருமாள் கோயிலில் பரமபத வாசல் திறப்ப...
இயக்குநர் பா. இரஞ்சித் சார்பட்டா பரம்பரை 2 படத்தினைப் பற்றி விழா ஒன்றில் பேசியுள்ளார்.
ஆர்யா, துஷாரா விஜயன் நடிப்பில் உருவான சார்பட்டா பரம்பரை படம் 2021இல் நேரடியாக ஓடிடியில் வெளியாகி மிகப்பெரிய வரவேற்பைப் பெற்றது.
பா. இரஞ்சித் இயக்கிய படங்களிலேயே மிகவும் வரவேற்பைப் பெற்ற படமாக சார்பட்டா பரம்பரை படமே இருக்கிறது.
சமீபத்தில் வெளியான தங்கலான் படம் கலவையான விமர்சனங்களைப் பெற்றாலும் வசூலில் கலக்கியது.
நடிகர் ஆர்யா மீண்டும் சார்பட்டா பரம்பரை 2 படத்தில் நடிக்க உடலை தயார் படுத்தி வருகிறார்.
இந்த நிலையில் தனது துணை இயக்குநர் புத்தக வெளியீட்டு விழாவில் பங்கேற்று இயக்குநர் பா.இரஞ்சித் பேசியதாவது:
இப்போதுதான் சார்பட்டா பரம்பரை 2 படத்தின் இறுதிக் காட்சியை எழுதி முடித்தேன். ஒரு படத்தினை எழுதி முடிப்பதுபோல் மகிழ்ச்சியான விஷயம் வேறு எதுவுமில்லை.
ஏற்கனவே திரைக்கதை ஆசிரியர் தமிழ்ப் பிரபா இதன் திரைக்கதையை ஒரு முறை எழுதிவிட்டார். நான் எனது பாணியில் ஒருமுறை மீண்டும் இதனை எழுதிப் பார்த்தேன். ஒரு இடத்தில் வந்து நின்றுள்ளது.
எழுதும்போது எனக்கு கிடைத்த இந்த சந்தோஷம் துணை இயக்குநர் அவருடைய புத்தகத்தை முடித்ததும் அவர் முகத்திலும் இருந்தது என்றார்.
சார்பட்டா பரம்பரை 2 திரையரங்குகளில் வெளியாகுமென அறிவிக்கப்பட்டுள்ளது. படப்பிடிப்பு எப்போது தொடங்குமென குறித்து இயக்குநர் பா.இரஞ்சித் எதுவும் தகவல் அளிக்கவில்லை.
