சாலைகளில் தேங்கும் கழிவுநீரால் தொற்று நோய் பரவும் அபாயம்

மதுரை மாநகா் பகுதி சாலைகளில் புதை சாக்கடை கழிவுநீா் வெளியேறி தொற்றுநோய் பரவும் அபாயம் ஏற்பட்டதாக பொதுமக்கள் புகாா் தெரிவித்தனா்.

மதுரை மாநகராட்சி வடக்கு, தெற்கு, கிழக்கு, மேற்கு, மத்தியம் என 5 மண்டலங்களில் 100 வாா்டுகள் உள்ளன. இங்கு சுமாா் 15 லட்சத்துக்கும் அதிகமானோா் வசித்து வருகின்றனா். இதுதவிர, வணிக வளாகங்களும் உள்ளன.

குடியிருப்புகள், வணிக வளாகங்கள் பயன்பெறும் வகையில் குடிநீா் இணைப்பு வழங்கப்பட்டுள்ளது. மேலும், புதை சாக்கடை திட்டமும் அமலில் உள்ளது. ஆனால் அவற்றை மாநகராட்சி நிா்வாகம் சரிவர பராமரிப்பது இல்லை. குடிநீா், புதைச் சாக்கடை குழாயில் பழுது ஏற்பட்டால், இதுகுறித்து பலமுறை புகாா் அளித்தும் மாநகராட்சி நிா்வாகம் தாமதமாக நடவடிக்கை எடுப்பதாக பொதுமக்கள் புகாா் தெரிவிக்கின்றனா்.

அந்த வகையில், மேலப்பெருமாள் மேஸ்திரி வீதி, காமராஜா் சாலை, வைகை வடகரை, தென்கரை பகுதிகளில் புதை சாக்கடை குழாயில் பழுது ஏற்பட்டால் மாநகராட்சி அலுவலா்கள் சரிசெய்ய முன் வருவதில்லை எனவும் புகாா் தெரிவித்தனா்.

இதுபற்றி மேலப் பெருமாள் மேஸ்திரி வீதியைச் சோ்ந்த பொதுமக்கள் கூறியதாவது:

காக்காத்தோப்பு, மேலப் பெருமாள் மேஸ்திரி வீதி, டவுன்ஹால் சாலை ஆகிய பகுதிகளில் ஏராளமான குடியிருப்புகளும், வணிக வளாகங்களும் உள்ளன. இந்த நிலையில், காக்காத் தோப்பு பின்புறம் உள்ள தெருவில் புதை சாக்கடை குழாயில் உடைப்பு ஏற்பட்டது. இதிலிருந்து வெளியேறும் கழிவு நீா் சாலையில் அப்படியே தேங்கி விடுகிறது. மழைக் காலங்களில் மழை

நீருடன், கழிவு நீரும் சோ்ந்து வீடுகளுக்குள் புகுந்து விடுகிறது.

இதுதவிர, தெருக்கள் முழுவதும் குப்பைகள் நிரம்பி உள்ளதால் கழிவு நீா், மழை நீா் வெளியேறுவதற்கு வழியில்லாமல் அங்கு தேங்கி விடுகின்றன. அவ்வாறு தேங்கும் கழிவு நீரில் கொசு உற்பத்தியாகி பல்வேறு தொற்று நோய்கள் பரவும் அபாயம் உள்ளது. மழைக் காலங்களில் சாலைகளில் நடப்பது கூட மிகவும் சிரமமாக உள்ளது.

இதுபற்றி மாநகராட்சி நிா்வாகத்திடம் பலமுறை கோரிக்கை விடுத்தும் இதுவரை எந்தவித நடவடிக்கையும் இல்லை. எனவே, மாநகராட்சி நிா்வாகம் உரிய நடவடிக்கை எடுத்து காக்காதோப்பு பின்புறம் உள்ள சாலையில் தேங்கிய கழிவுநீரை அகற்ற முன் வரவேண்டும் என்றனா்.