சாலை பணியின்போது வெடித்து சிதறிய சிலிண்டர்: அதிர்ச்சியூட்டும் சிசிடிவி காட்சி!
Admin
- 4 hours ago
சேலம்: சேலம் சின்னபம்பட்டி அருகே சாலை பணியின்போது பயங்கர சத்தத்துடன் சிலிண்டர் வெடித்து சிதறிய விபத்தில் நல்வாய்ப்பாக தொழிலாளர்கள் அனைவரும் காயம் ஏதுவுமின்றி உயிர் தப்பினர். இது தொடர்பான சிசிடிவி காட்சி சமூக வலைதளங்களில் வைரலாகி பார்ப்போரை அதிர்ச்சியில் ஆழ்த்தியுள்ளது.
சேலம் மாவட்டம், ஓமலூர் இருந்து சங்ககிரி வரை கடந்த அதிமுக ஆட்சி காலகட்டத்தில் நான்கு வழிச்சாலை பணி தொடங்கி தற்போது வரை நடைபெற்று வருகிறது.
இந்த நிலையில், சின்னப்பம்பட்டியில் இருந்து கொங்கணாபுரம் செல்லும் வழியில் புதிதாக அமைக்கப்பட்டு வரும் நான்கு வழிச்சாலைக்கு சாலையின் பக்கவாட்டில் சாலை பணியாளர்கள் வெள்ளிக்கிழமை வெள்ளைக்கோடுகள் வரைந்து கொண்டிருந்தனர்.
கொச்சியில் சட்டவிரோதமாக தங்கியிருந்த 27 வங்கதேச தொழிலாளிகள் கைது
அப்போது வெள்ளைக்கோடுகள் வரைவதற்கு பயன்படுத்தப்படும் இயந்திரத்திற்கு பயன்படுத்த வைத்திருந்த சிலிண்டர் திடீரென பயங்கர சத்தத்துடன் வெடித்து சிதறியது.
இந்த விபத்தில் நல்வாய்ப்பாக தொழிலாளர்கள் அனைவரும் காயம் ஏதுவுமின்றி உயிர் தப்பினர்.
இது தொடர்பான அங்கிருந்த சிசிடிவி கேமராவில் பதிவாகி இருந்த காட்சி சமூக வலைதளங்களில் வைரலாகி பார்ப்போரை பெரும் அதிர்ச்சியில் ஆழ்த்தியுள்ளது.
