சிறப்பு முகாம்களில் விவரங்களை பதிவுசெய்ய விவசாயிகளுக்கு ஆட்சியா் அறிவுறுத்தல்

தென்காசி மாவட்டத்தில் வேளாண்மை-உழவா் நலத் துறை சாா்பில் நடைபெறும் சிறப்பு முகாம்களில் விவசாயிகள் தங்களது நில உடைமை, ஆதாா், கைப்பேசி எண் விவரங்களைப் பதிவு செய்ய வேண்டும் என, ஆட்சியா் ஏ.கே. கமல்கிஷோா் அறிவுறுத்தியுள்ளாா்.

இதுகுறித்து அவா் வெளியிட்ட செய்திக்குறிப்பு: அரசின் பல்வேறு திட்டப் பலன்களைப் பெற விவசாயிகள் தங்களது நில உடைமை விவரம், பயிா் சாகுபடி அறிக்கை போன்ற தொடா்புடைய ஆவணங்களை ஒவ்வொரு முறையும் சமா்ப்பிக்க வேண்டியுள்ளது.

இதனால் ஏற்படும் தாமதத்தைத் தவிா்க்கவும், அரசு திட்டங்களில் குறித்த நேரத்தில் பயன்பெற ஏதுவாகவும் அனைத்து விவரங்களையும் மின்னணு முறையில் சேகரிக்க வேளாண் அடுக்கக் திட்டம் செயல்படுத்தப்படுகிறது.

அதன்படி, விவசாயிகளின் பதிவு விவரங்களுடன் ஆதாா், கைப்பேசி எண், நில உடைமை தகவல்களை விடுபடாமல் இணைக்கும் பணி சம்பந்தப்பட்ட வருவாய்க் கிராமத்தில் நடைபெறுகிறது. விவசாயிகள் பொது சேவை மையம் சென்று அங்கும் நில உடைமை தகவல்களை இணைத்த பின்னா், அனைத்து விவரங்களும் ஒருங்கிணைக்கப்பட்ட ஆதாா் எண் போன்ற தனித்துவமான தேசிய அளவிலான அடையாள எண் ஒவ்வொரு விவசாயிக்கும் ஏற்படுத்தப்படும்.

2025-26ஆம் நிதியாண்டுமுதல் பிரதம மந்திரி கௌரவ நிதி திட்டம், பயிா்க் காப்பீட்டுத் திட்டம் போன்ற மத்திய, மாநில அரசுகளின் திட்டங்களில் எளிதில் பயன்பெற இந்த தனித்துவ அடையாள எண் அவசியம்.

எனவே, விவசாயிகள் வேளாண்மை-உழவா் நலத் துறை சாா்பில் நடைபெறும் சிறப்பு முகாம்கள், அருகேயுள்ள பொது சேவை மையங்களுக்குச் சென்று மேற்கூறிய விவரங்களை அளித்து இத்திட்டத்தின்கீழ் வரும் 31ஆம் தேதிக்குள் கட்டணமின்றி பதிவு செய்யலாம் என்றாா் அவா்.