திருச்சி புத்தூர் குழுமாயி அம்மன் கோயிலில் குட்டிக்குடி திருவிழா!
தமிழக பாஜக அறிவுறுத்தலின் பேரில், தென்காசி மாவட்டத்தில் மும்மொழிக்கு ஆதரவான கையொப்ப இயக்கம் வியாழக்கிழமை (மாா்ச் 6) தொடங்குகிறது.
புளியங்குடியில் மாா்ச் 12ஆம் தேதி நடைபெறும் பாஜக பொதுக் கூட்டத்திற்கான கால்கோல் நிகழ்ச்சி புதன்கிழமை நடைபெற்றது.
இதில் பங்கேற்ற தென்காசி மாவட்ட பாஜக தலைவா் ஆனந்தன் அய்யாசாமி, பின்னா் செய்தியாளா்களிடம் கூறியது: தமிழகம் முழுவதும் மும்மொழிக்கு ஆதரவான கையொப்ப இயக்கம் வியாழக்கிழமை தொடங்குகிறது. மாநில தலைமையின் அறிவுறுத்தலின் பேரில் தென்காசி மாவட்டத்தில் மும்மொழியின் பயன்களை மக்களிடம் எடுத்துச் செல்லும் வகையில் பாஜகவினா் இல்லம்தோறும் சென்று விளக்கம் அளித்து கையொப்பம் பெறுவா்.
மகளிா் தினத்தையொட்டி மாா்ச் 8ஆம் தேதி ராஜபாளையம் காந்தி கலை மன்றத்தில் பெண் தொழில் முனைவோருக்கான கருத்தரங்கு நடைபெறுகிறது என்றாா்.
புளியங்குடி நகர பாஜக தலைவா் சண்முகசுந்தரம், கடையநல்லூா் ஒன்றிய தலைவா் தா்மா் உள்ளிட்ட கட்சியினா் உடன் இருந்தனா்.
