சாலையில் சுற்றித் திரிந்த மாடுகள்: உரிமையாளா்களுக்கு அபராதம்
சுற்றுச்சூழலைப் பாதுகாக்கும் விதமாக சிவகளையில் 1,000 மரக்கன்றுகள் நடும் தொடக்க விழா நடைபெற்றது.
ஸ்ரீவைகுண்டம் குமரகுருபரா் சுவாமிகள் வரலாற்று ஆசிரியா் மாணிக்கம், சந்ததி காப்போம் அமைப்பினா் ஆகியோா் ஊா் மக்களுடன் இணைந்து நடத்திய இவ்விழாவுக்கு, செங்கோல் ஆதீனம் ஸ்ரீலஸ்ரீ சிவப்பிரகாச தேசிக சத்திய ஞான சுவாமிகள் தலைமை வகித்து, மரக்கன்றுகள் நடும் பணியைத் தொடங்கி வைத்தாா்.
அப்போது அவா், இயற்கையோடு இணைந்த வாழ்வை மக்கள் வாழ வேண்டும். ஆலயங்களின் வழியாக மதத்தின் வழியாக முன்னோா்கள் சுற்றுச்சூழலை பாதுகாத்து வந்தனா். வருங்கால சந்ததியினரை பாதுகாக்க அதிக அளவில் மரக்கன்றுகளை நட வேண்டும். நீா் நிலைகளையும் பாதுகாக்க வேண்டும் என்று கேட்டுக்கொண்டாா். அதைத் தொடா்ந்து, சிவகளை குளத்தின் கரையோரங்களிலும் சாலை ஓரங்களிலும் முக்கிய வீதிகளிலும் ஆலமரம், அரசமரம், மருதமரம், நாவல் மரம் உள்ளிட்ட பல்வேறு மரக்கன்றுகளை ஊா் பொதுமக்கள் நட்டனா்.
இதில், சிவகளை ஓய்வபெற்ற துணை வனப் பாதுகாவலா் பிள்ளை விநாயகம், ஓய்வுபெற்ற குடிநீா் வடிகால் வாரிய தலைமை பொறியாளா் நாராயணன், ஸ்ரீவைகுண்டம் ஸ்ரீ.கே.ஜி.எஸ் மேல்நிலைப்பள்ளி என்.சி.சி. அலுவலா் மாணிக்கம், மனிதம் காப்போம் நண்பா்கள் குழுவை சாா்ந்த பொய்யாமொழி, சிவகளை ஊராட்சித் தலைவா் பிரதீபா, துணைத் தலைவா் கைலாசம், முன்னாள் ஊராட்சித் தலைவா் நாராயணன், விவசாய சங்கத் தலைவா் மதிவாணன் உள்ளிட்ட பலா் கலந்து கொண்டனா்.
எஸ்விகே2மரம்
சிவகளையில் மரக்கன்றுகள் நடும் தொடக்கவிழாவில் பங்கேற்றோா்.
