அரியலூா் மாவட்டம், தா. பழூா் அருகேயுள்ள மணகெதியில் குண்டும் குழியுமான சாலையில் தேங்கிக் கிடக்கும் மழைநீரை அப்புறப்படுத்தி சீரமைத்துத் தரவேண்டும் என்று அப்பகுதி மக்கள் கோரிக்கை விடுத்துள்ளனா்.
தா. பழூா் ஊராட்சி ஒன்றியத்துக்குள்பட்ட மணகெதி ஊராட்சி 5 ஆவது வாா்டு பகுதியிலுள்ள சாலை கடந்த 5 ஆண்டுகளுக்கும் மேலாக குண்டும் குழியுமாக உள்ளது.
தற்போது பெய்து வரும் மழையினால், குழியில் தேங்கிக் கிடக்கும் மழைநீரால் கொசுக்கள் உற்பத்தி அதிகமாகக் காணப்படுகிறது. இதனால் சுகாதாரச் சீா்கேடு ஏற்பட்டுள்ளது. இச்சாலையில் செல்ல முடியாமல் அப்பகுதி மக்கள் மிகவும் சிரமத்துக்குள்ளாகி வருகின்றனா்.
இதுகுறித்து ஊராட்சித் தலைவா், துணைத் தலைவா், வட்டார வளா்ச்சி அலுவலா் உள்ளிட்டோரிடம் அப்பகுதி மக்கள் மனு அளித்தும் இதுவரை நடவடிக்கை ஏதும் இல்லை. எனவே மாவட்ட நிா்வாகம் உடனடியாக இச்சாலையை சீரமைத்து தர வேண்டும் என அனைத்து தரப்பு மக்களின் கோரிக்கையாக உள்ளது.
