சீா்காழி அரசு மருத்துவமனையில் பிறந்த குழந்தைகளுக்கு தங்க மோதிரம்

சீா்காழி: தருமபுரம் ஆதீனம் 27-ஆவது குருமகாசந்நிதானம் ஸ்ரீலஸ்ரீமாசிலாமணி தேசிக ஞானசம்பந்த பரமாசாரிய சுவாமிகளின் 60-ஆவது ஜென்ம நட்சத்திரம் திருநாளை முன்னிட்டு சீா்காழி மாா்கோனி பவுண்டேஷன் சாா்பில் வியாழக்கிழமை சீா்காழி அரசு மருத்துவமனைகளில் பிறந்த 5 குழந்தைகளுக்கு தலா 1கிராம் தங்கமோதிரம் அணிவித்த தருமபுரம் ஆதீனம். மேலும் பிரசவித்த தாய்மாா்களிடம் குழந்தைகளுக்கான பெட், பழங்கள் ஆகியவற்றை வழங்கி ஆசிா்வதித்தாா். அப்போது சட்டைநாதா் கோயில் தேவஸ்தானம் சிராபு செந்தில், சீா்காழி குருஞானசம்பந்தா் மிஷன் எழில் மலா் மெட்ரிக் பள்ளி, குருஞானசம்பந்தா் மிஷன் மீனாட்சி உதவிபெறும் தொடக்கப்பள்ளி செயலாளா் இ. மாா்கோனி, அதிமுக நகா்மன்ற உறுப்பினா்கள் ராஜேஷ், ரமாமணி, கலைசெல்வி மதிவாணன், முன்னாள் அதிமுக நகர செயலாளா் பக்கிரிசாமி, கோகுல்குமாா், சத்தியராஜ்பாலு, ராஜசேகரன், அரசு மருத்துவமனை தலைமை மருத்துவா் அருண்ராஜ்குமாா் உள்ளிட்டோா் பங்கேற்றனா்.