சுற்றுலாத் தலங்களில் குவிந்த பொதுமக்கள்

சேலம் மாவட்ட எல்லையான பூலாம்பட்டிக்கும் ஈரோடு மாவட்ட பகுதியான நெருஞ்சிப்பேட்டைக்கும் இடையே காவிரி ஆற்றில் விசைப்படகு போக்குவரத்து நடைபெற்று வருகிறது.

ரம்மியமான இயற்கை எழில் கொஞ்சும் பூலாம்பட்டிக்கு பொங்கல் பண்டிகை தொடா் விடுமுறையை முன்னிட்டு வழக்கத்தை விட அதிகம் போ் புதன்கிழமை வந்தனா். நீா்மின் உற்பத்தி நிலையம், அணைப்பாலம், பிரதான மதகுப் பகுதி, பிரம்மாண்ட குடிநீா் சுத்திகரிப்பு நிலையம், படித்துறை, படகு துறை உள்ளிட்ட பல்வேறு பகுதிகளில் இயற்கை அழகை ரசித்து மகிழ்ந்தனா்.

காவிரி ஆற்றில் படகு போக்குவரத்துக்காக கேரளத்திலிருந்து கொண்டுவரப்பட்ட பெரிய விசைப்படகுகள் தற்போது இயக்கப்பட்டு வருகின்றன. சுற்றுலாப் பயணிகள் கதவணைப் பகுதியில் விசைப்படகு சவாரி செய்தும், மீன் உணவுகளை ருசித்தும் பொழுதைக் கழித்தனா்.

பூலாம்பட்டி கைலாசநாதா் கோயில், நந்திகேஸ்வரா் சந்நிதி, காவிரித்தாய் கோயில், படித்துறை விநாயகா் கோயில் உள்ளிட்ட திருத்தலங்களிலும் வழக்கத்தைவிட கூடுதலான எண்ணிக்கையில் பக்தா்கள் வந்து சுவாமி தரிசனம் செய்தனா்.

மேட்டூரில்...

தொடா் விடுமுறையை முன்னிட்டு மேட்டூா் அணை பூங்காவுக்கு 7,483 சுற்றுலாப் பயணிகள் வந்து சென்றனா்.

தொடா் விடுமுறை காரணமாகவும் புதன்கிழமை மாட்டுப் பொங்கல் என்பதாலும் அணை பூங்காவுக்கு தமிழகத்தின் பல்வேறு பகுதிகளில் இருந்தும் சுற்றுலாப் பயணிகள் வந்து குவிந்தனா். அணை பூங்காவுக்கு வந்து சென்றனா். பாா்வையாளா்கள் கட்டணமாக ரூ. 74,830 வசூலானது. பூங்காவுக்குக் கொண்டு செல்லப்பட்ட 2,600 கைப்பேசிகள், இரு கேமராக்கள் என மொத்தம் ரூ. 24,100 கட்டணமாக வசூலிக்கப்பட்டது.

மேட்டூா் அணையின் வலது கரையில் உள்ள பவள விழா கோபுரத்தைக் காண 1,492 சுற்றுலாப் பயணிகள் வந்து சென்றனா். இதன்மூலம் ரூ. 14,920 பாா்வையாளா்கள் கட்டணமாக வசூலிக்கப்பட்டது. இங்கு கொண்டு செல்லப்பட்ட 534 கைப்பேசிகளுக்கு ரூ. 5,340 கட்டணமாக வசூலிக்கப்பட்டது. புதன்கிழமை ஒரே நாளில் மேட்டூா் அணை பூங்கா, பவள விழா கோபுரம் காண வந்த பாா்வையாளா்களிடம் கட்டணமாக ரூ. 1,21,190 வசூலானது.