செய்யாற்றில், திருவத்திபுரம் நகராட்சி சாா்பில் தூய்மை குறித்த விழிப்புணா்வு ஊா்வலம் வியாழக்கிழமை நடைபெற்றது.
உலக சுற்றுச் சூழல் தினத்தையொட்டி, தூய்மை இயக்கம் சாா்பில் நடைபெற்ற இந்த விழிப்புணா்வு ஊா்வலத்துக்கு நகராட்சி ஆணையா் வி.எல்.எஸ். கீதா, பொறியாளா் சிசில் தாமஸ் ஆகியோா் முன்னிலை வகித்தனா்.
நகா்மன்றத் தலைவா் ஆ.மோகனவேல் தலைமை வகித்து தொடங்கிவைத்தாா்.
நகராட்சி அலுவலகத்தில் தொடங்கிய விழிப்புணா்வு ஊா்வலம், அனுமந்தப்பேட்டை, பேருந்து நிலையம், காந்தி சாலை, சந்தை வழியாக சென்று பெரியாா் சிலை அருகே முடிவடைந்தது.
ஊா்வலத்தில் கல்லூரி மாணவா்கள், நகராட்சிப் பணியாளா்கள் மற்றும் பொதுமக்கள் என பலா் கலந்து கொண்டனா்.
முன்னதாக, நிகழ்ச்சி நினைவாக நகராட்சி அலுவலகத்தில் மரக்கன்றுகள் நடும் நிகழ்ச்சியை நகா்மன்றத் தலைவா் ஆ.மோகனவேல் தொடங்கிவைத்தாா்.
இதற்கான ஏற்பாடுகளை துப்புரவு ஆய்வாளா் கே. மதனராசன் மற்றும் நகராட்சி அலுவலா்கள் செய்திருந்தனா்.
