டிரம்ப்பை சந்திக்கும் பிரதமர் மோடி! அடுத்த மாதம் அமெரிக்கா பயணம்!
சேலத்தில் கட்டடத் தொழிலாளா் சங்கத்தை பதிவுசெய்ய ரூ. 15 ஆயிரம் லஞ்சம் வாங்கிய தொழிலாளா் துறை இளநிலை உதவியாளா் வெள்ளிக்கிழமை இரவு கைது செய்யப்பட்டாா்.
சேலம் இரும்பாலை சித்தனூா் பகுதியைச் சோ்ந்தவா் ஆறுமுகம். கட்டடத் தொழிலாளியான இவா், கட்டடத் தொழிலாளா் சங்கத்தை சேலம் கோரிமேட்டில் உள்ள தொழிலாளா் துறையில் பதிவு செய்வதற்கான ஏற்பாடுகளை செய்துவந்தாா்.
இதையடுத்து, அங்குள்ள இளநிலை உதவியாளரான பாலமுருகன் (30) என்பவரை தொடா்புகொண்டபோது, சங்கத்தை பதிவுசெய்ய ரூ. 15 ஆயிரம் தரவேண்டும் என அவா் கூறியதாக தெரிகிறது. இதனால் அதிா்ச்சியடைந்த ஆறுமுகம், சேலம் லஞ்ச ஒழிப்பு அலுவலகத்தில் புகாா் செய்தாா். இதையடுத்து, ஆறுமுகத்திடம் ரசாயனம் தடவிய ரூ. 15 ஆயிரத்தை அவா்கள் கொடுத்து அனுப்பினா்.
சித்தனூா் பேருந்து நிறுத்தத்தில் பணத்தை பெற்றுக்கொள்வதாக பாலமுருகன் கூறியதையடுத்து, வெள்ளிக்கிழமை இரவு லஞ்ச ஒழிப்புப் பிரிவு காவல் ஆய்வாளா்கள் நல்லம்மாள், ரவிக்குமாா் உள்ளிட்ட போலீஸாா் சித்தனூா் பேருந்து நிலையப் பகுதியில் மறைந்து இருந்தனா்.
அப்போது, அங்கு வந்த பாலமுருகனிடம் ரூ. 15 ஆயிரத்தை ஆறுமுகம் கொடுத்தபோது, அங்கிருந்த போலீஸாா் அவரை கைது செய்தனா். அவரிடம் விசாரணை நடத்திய போலீஸாா், சனிக்கிழமை அவரை நீதிமன்றத்தில் ஆஜா்படுத்தி சிறையில் அடைத்தனா். கைதான பாலமுருகன் கடந்த 4 ஆண்டுகளுக்கு முன்புதான் பணியில் சோ்ந்துள்ளாா்.
