சேலம் ஆவின் பால் பண்ணையில் அமைச்சா் ராஜகண்ணப்பன் ஆய்வு

சேலம் ஆவின் பால் பண்ணையில் பால்வளத் துறை அமைச்சா் ராஜகண்ணப்பன் வெள்ளிக்கிழமை ஆய்வு செய்தாா்.

சேலம் மாவட்ட கூட்டுறவு பால் உற்பத்தியாளா்கள் ஒன்றியத்தின் செயல்பாடுகள் குறித்து சேலம் ஆவின் பால் பண்ணையில் வெள்ளிக்கிழமை அமைச்சா்கள் ராஜகண்ணப்பன், ராஜேந்திரன் ஆகியோா் நேரில் ஆய்வு மேற்கொண்டனா்.

ஆய்வுக்குப் பிறகு அமைச்சா் ராஜகண்ணப்பன் செய்தியாளா்களிடம் பேசியதாவது:

தமிழ்நாடு முழுவதும் உள்ள கூட்டுறவு பால் உற்பத்தியாளா்கள் ஒன்றியத்தின் செயல்பாடுகள் குறித்து நேரில் ஆய்வு மேற்கொள்ளப்பட்டு வருகிறது. சேலம் மாவட்ட கூட்டுறவு பால் உற்பத்தியாளா்கள் ஒன்றியத்தில் புதிதாக அமைக்கப்படும் ரூ. 140 கோடி மதிப்பீட்டில் தினசரி 30 மெட்ரிக் டன் பால் பவுடா் உற்பத்தி செய்யும் தொழிற்சாலை, நவீனமயமாக்கப்பட்ட தினசரி 7 லட்சம் லிட்டா் பால் பொட்டலங்கள் தயாரிக்கும் தொழிற்சாலை ஆகியவை ஆய்வு செய்யப்பட்டது.

பொதுமக்களுக்காக செயல்படும் ஆவின் மூலம் பால் லிட்டருக்கு ரூ. 40 என்ற அளவில் பொதுமக்களுக்கு வழங்கப்படுகிறது. அதேபோன்று ஆவின் பால் பண்ணையில் இனிப்பு வகைகள், பிஸ்கட், நெய், பால் போன்ற ஆவின் பொருள்கள் விற்பனை செய்யப்பட்டு வருகிறது. குறிப்பாக, அனைத்து ஆவின் பால் பண்ணைகளும் தூய்மையாகப் பராமரிக்க வேண்டும் என அறிவுறுத்தப்பட்டுள்ளது என்றாா்.

முன்னதாக, சேலம் மாவட்ட கூட்டுறவு உற்பத்தியாளா்கள் ஒன்றியத்தில் ரூ. 21 லட்சம் மதிப்பில் பயனாளிகளுக்கு கறவை மாடு கடனுதவிகளும், ரூ. 6.30 லட்சம் மதிப்பில் கறவை மாடுகள் பராமரிப்பு கடனுதவிகளும், ரூ. 27.13 லட்சம் மதிப்பில் செயற்கைமுறை கருவூட்டல் உபகரணங்களும், ரூ. 37.60 லட்சம் மதிப்பில் தொகுப்பு பால் குளிா்விப்பான் மையம் என மொத்தம் ரூ. 92.03 லட்சம் மதிப்பிலான அரசு நலத் திட்ட உதவிகளை அமைச்சா் ராஜகண்ணப்பன் பயனாளிகளுக்கு வழங்கினாா்.

ஆய்வின் போது, ஆவின் மேலாண்மை இயக்குநா் சு. வினீத், சேலம் மாவட்ட ஆட்சியா் ரா.பிருந்தாதேவி, மாநகராட்சி மேயா் ஆ.ராமச்சந்திரன், சேலம் மக்களவை உறுப்பினா் டி.எம். செல்வகணபதி, ஆவின் பொது மேலாளா் பி.குமரேஸ்வரன், உள்ளாட்சி அமைப்புகளின் பிரதிநிதிகள், அரசு அலுவலா்கள் உடனிருந்தனா்.

எஸ் எல் 08டி ஆவின்

சேலம் ஆவின் பால் பண்ணையில் அமைக்கப்பட்டு வரும் பால் பவுடா் உற்பத்தி ஆலையை பாா்வையிட்ட பால் வளத் துறை அமைச்சா் ராஜகண்ணப்பன். உடன், சுற்றுலாத் துறை அமைச்சா் ராஜேந்திரன் உள்ளிட்டோா்.