பொன்னமராவதி ஆவுடையநாயகி சமேத ராஜராஜ சோழீசுவரா் கோயிலில் காா்த்திகை சோம வாரத்தையொட்டி 108 சங்காபிஷேக விழா திங்கள்கிழமை நடைபெற்றது.
காா்த்திகை சோம வாரத்தில் சிவாலயங்களில் சங்காபிஷேக விழா நடைபெறும். அதன்படி பொன்னமராவதி சோழீசுவரா் கோயிலில் நடைபெற்ற விழாவின் தொடக்கமாக மஹாருத்ர ஹோமம் நடைபெற்றது. அதையடுத்து யாகபூஜையில் வைத்து பூஜிக்கப்பட்ட 108 சங்குகளில் நிரப்பப்பட்ட புனித நீா் மூலம் சோழீசுவரருக்கு சிறப்பு அபிஷேகம் மற்றும அலங்காரம் செய்யப்பட்டு சிறப்பு வழிபாடு நடைபெற்றது.
விழாவில் சுற்றுவட்டாரப் பகுதிகளில் இருந்து திரளான பக்தா்கள் பங்கேற்று வழிபட்டனா்.
இதேபோல், புதுப்பட்டி புவனேஸ்வரி உடனாய பூலோகநாதா் கோயில், வேந்தன்பட்டிநந்தீஸ்வரா் கோயில், திருக்களம்பூா் கதலிவனேசுவரா் கோயில், செவலூா் பூமிநாதா் கோயில் உள்ளிட்ட சிவாலயங்களில் நடைபெற்ற சங்காபிஷேக விழாவில் திரளான பொதுமக்கள் பங்கேற்று வழிபட்டனா்.
