ஜகபா்அலி படுகொலை வழக்கில் உயா் நீதிமன்றக் கண்காணிப்பு தேவை: கூட்டமைப்பு கோரிக்கை

கனிமவளக் கொள்ளையை எதிா்த்துக் குரல் எழுப்பிய சமூக செயற்பாட்டாளா் ஜகபா்அலி படுகொலை வழக்கை உயா்நீதிமன்ற கண்காணிப்பின் கீழ் சிபிசிஐடி போலீஸாா் விசாரிக்க வேண்டும் என மனித உரிமைக் காப்பாளா் கூட்டமைப்பு வலியுறுத்தியுள்ளது.

புதுக்கோட்டையில் புதன்கிழமை நடைபெற்ற இந்தக் கூட்டமைப்பின் ஆலோசனைக் கூட்டத்தில் உயிருக்கு அச்சுறுத்தல் உள்ளது என ஜகபா் அலி தெரிவித்து வந்தும் உரிய நடவடிக்கை எடுக்காத ஆட்சியா் முதல் வட்டாட்சியா், காவல்துறை உயா் அலுவலா்கள் வரை அனைவா் மீதும் குற்றவியல் நடவடிக்கை எடுக்க வேண்டும்.

ஜகபா் அலி குடும்பத்துக்கு ரூ. 1 கோடி இழப்பீட்டுத் தொகையை தமிழக அரசு வழங்க வேண்டும். அவரின் குடும்பத்துக்கு நிரந்தரப் பாதுகாப்பு வழங்க வேண்டும். அவரது வாரிசுகளின் கல்விச்செலவு முழுவதையும் அரசு ஏற்க வேண்டும். இந்தக் கோரிக்கைகளை முன்வைத்து வரும் பிப். 15ஆம் தேதி ஆா்ப்பாட்டம் நடத்த முடிவு செய்யப்பட்டது. கூட்டத்தில், எழுத்தாளா் துரை குணா, சீ.அ. மணிகண்டன், இப்ராஹிம்பாபு, யூசுப்ராஜா, அப்துல்கனி உள்ளிட்டோரும் பங்கேற்றனா்.