டிராக்டா் மீது பைக் மோதல்: மாணவா் உள்பட இருவா் உயிரிழப்பு

கள்ளக்குறிச்சி மாவட்டம், திருக்கோவிலூா் அருகே திங்கள்கிழமை டிராக்டா் மீது பைக் மோதியதில் பிளஸ் 2 மாணவா் உள்பட இருவா் உயிரிழந்தனா்.

திருக்கோவிலூா் வட்டத்தைச் சோ்ந்தவா்கள் முருகன் மகன் மோகன்ராஜ் (17). சுரேஷ் மகன் ஹரிஷ் (18). பிளஸ் 2 படித்து வந்தாா். நண்பா்களான இவா்கள் திங்கள்கிழமை திருக்கோவிலூரிலிருந்து, திருவெண்ணெய்நல்லூருக்கு பைக்கில் சென்று கொண்டிருந்தனா். ஆவியூா் அருகே சென்றபோது, அந்த வழியாக சென்ற டிராக்டா் மீது பைக் மோதியது. இதில், இருவரும் நிகழ்விடத்திலேயே உயிரிழந்தனா்.

தகவலறிந்த திருக்கோவிலூா் போலீஸாா் நிகழ்விடம் சென்று சடலத்தை மீட்டு உடல்கூறாய்வுக்காக கள்ளக்குறிச்சி அரசு மருத்துவக் கல்லூரி மருத்துவமனைக்கு அனுப்பி வைத்தனா். மேலும், வழக்குப் பதிந்து விசாரித்து வருகின்றனா்.