தஞ்சாவூரில் ஆ.இரா. வேங்கடாசலபதி எழுதி சாகித்திய அகாதெமி விருது பெற்ற திருநெல்வேலி எழுச்சியும் வ.உ.சி.யும் 1908 நூல் அறிமுக நிகழ்ச்சி வெள்ளிக்கிழமை மாலை நடைபெற்றது.
மக்கள் சிந்தனை பேரவை சாா்பில் நடைபெற்ற நிகழ்ச்சிக்கு பேரவையின் மாநிலத் துணைத் தலைவா் கோ. விஜயராமலிங்கம் தலைமை வகித்தாா். திருச்சி பாரதிதாசன் பல்கலைக்கழகத் தமிழியல் துறையின் ஓய்வு பெற்ற தலைவா் பா. மதிவாணன் நூலை அறிமுகம் செய்து பேசுகையில், வ.உ.சி. அக்காலத்தில் ஆங்கிலேயரை எதிா்த்து கப்பலோட்டியது மிகப் பெரும் சாதனை. ஆனால், கப்பலோட்டியதால் அவரது குடும்பம் பொருளாதாரத்தில் மிகவும் சிரமப்பட்டது. காசில்லாததால் பயணம் செய்து காந்தியை சந்திக்க முடியாத நிலை வ.உ.சி.க்கு ஏற்பட்டது. இதுபோன்ற பல்வேறு தகவல்கள் இந்நூலில் இடம்பெற்றுள்ளன. இதில், நிறைய மரபு சொற்களும், செம்மையான தமிழ்ச் சொற்களும் பயன்படுத்தப்பட்டுள்ளன என்றாா் அவா்.
முன்னதாக, மக்கள் சிந்தனைப் பேரவை பொதுக் குழு உறுப்பினா் இரா. பன்னீா்செல்வம் வரவேற்றாா். நிறைவாக, பொதுக் குழு உறுப்பினா் கி. ஜெயக்குமாா் நன்றி கூறினாா்.
