தமிழகத்தில் மது விலக்குப் பிரிவு என்ன செய்கிறது? கள்ளச்சாராய வழக்கில் உயா்நீதிமன்றம் கேள்வி

தமிழகத்தில் பல ஆண்டுகளாக கள்ளச்சாராயம் விற்பனை நடைபெறுகிறது என்றால், அதைத் தடுக்காமல் மது விலக்குப்பிரிவு என்ன செய்கிறது? என சென்னை உயா்நீதிமன்றம் கேள்வியெழுப்பியுள்ளது.

கள்ளக்குறிச்சி கருணாபுரத்தில் கள்ளச்சாராயம் அருந்தி 68 போ் உயிரிழந்த விவகாரத்தில் கைது செய்யப்பட்டவா்களில் 18 போ் குண்டா் தடுப்புச் சட்டத்தில் சிறையில் அடைக்கப்பட்டனா். இவா்கள் தங்கள் மீதான குண்டா் தடுப்புச்சட்டத்தை ரத்து செய்யக் கோரி, உயா்நீதிமன்றத்தில் மனுக்கள் தாக்கல் செய்திருந்தனா். இந்த மனுக்கள் நீதிபதிகள் எஸ்.எம்.சுப்ரமணியம், எம்.ஜோதிராமன் ஆகியோா் அடங்கிய அமா்வில் விசாரணைக்கு வந்தது. அப்போது தமிழக அரசு தரப்பில் ஆஜரான அரசு தலைமை வழக்குரைஞா் பி.எஸ்.ராமன், “இந்த மனுக்கள் மீது பதில்மனு தாக்கல் செய்யப்பட்டு விட்டதால் வழக்கை இறுதி விசாரணைக்காக வரும் ஜன.6-ஆம் தேதிக்கு தள்ளிவைக்க வேண்டும் என்றாா்.

நீதிபதிகள் கேள்வி: அப்போது குறுக்கிட்ட நீதிபதிகள், எந்த அடிப்படையில் அனைவா் மீதும் குண்டா் தடுப்புச்சட்டத்தின் கீழ் நடவடிக்கை எடுக்கப்பட்டது? என கேள்வியெழுப்பினா். அதற்கு அரசு தலைமை வழக்குரைஞா், “பல ஆண்டுகளாக இவா்கள் அந்தப்பகுதியில் கள்ளச்சாராயம் விற்று வந்ததாலும், 68 போ் உயிரிழந்துள்ள காரணத்தாலும் அவா்கள் மீது குண்டா் தடுப்புச் சட்டத்தின் கீழ் நடவடிக்கை எடுக்கப்பட்டது என்றாா்.

அப்போது நீதிபதிகள், இத்தனை ஆண்டுகளாக கள்ளச்சாராயம் தடையின்றி விற்கப்பட்டு வந்துள்ளது என்றால் மதுவிலக்கு பிரிவு போலீஸாா் என்ன செய்து கொண்டிருந்தனா்? இந்த விவகாரத்தில் அரசின் தோல்வியையும் கவனத்தில் கொள்ள வேண்டியுள்ளது என கருத்து தெரிவித்து இறுதி விசாரணையை வரும் ஜன. 6-ஆம் தேதிக்கு ஒத்திவைத்தனா்.