தமிழா் தொன்மை அறிய ஆழ்கடலுக்குள் ஆராய்ச்சி: விஐடி வேந்தா் கோ.விசுவநாதன் வலியுறுத்தல்

தமிழா்களின் தொன்மை குறித்து மேலும் அறியும் வகையில் ஆழ்கடலிலும் அகழ்வாராய்ச்சி மேற்கொள்ள வேண்டும் என விஐடி வேந்தா் கோ.விசுவநாதன் வலியுறுத்தினாா்.

தமிழியக்கம், தமிழ்நாடு திறந்தநிலை பல்கலைக்கழக தமிழியல் மற்றும் பண்பாட்டுப்புலம் சாா்பில் சிந்து சமவெளி ஆய்வு நூற்றாண்டு விழா கருத்தரங்கம் சென்னை சைதாப்பேட்டையில் உள்ள திறந்தநிலை பல்கலைக்கழக கூட்டரங்கில் புதன்கிழமை நடைபெற்றது. இந்தக் கருத்தரங்கை பல்கலைக்கழக துணைவேந்தா் எஸ்.ஆறுமுகம் தொடங்கி வைத்தாா்.

இதில் தமிழியக்கம் அமைப்பின் நிறுவனரும், வேலூா் விஐடி பல்கலைக்கழக வேந்தருமான ஜி.விஸ்வநாதன் தலைமை வகித்துப் பேசியதாவது:

தொன்மையான சிந்து சமவெளி நாகரிகத்தை 1924-ஆம் ஆண்டு கண்டுபிடித்து உலகத்துக்குப் பறைசாற்றியவா் தொல்லியல் அறிஞா் சா் ஜான் மாா்ஷல். இந்தக் கண்டுபிடிப்பு நிகழ்ந்து 100 ஆண்டுகள் ஆகின்றன. அவரை மறக்காமல் இன்று நினைவுகூா்கிறோம்.

ஏறத்தாழ 5 ஆயிரம் ஆண்டுகளுக்கு முற்பட்டது சிந்து சமவெளி நாகரிகம். சிந்துவெளி நாகரிகம் வேத காலத்தைவிட மிகவும் பழைமையானது என்பது அறிஞா் ஐராவதம் மகாதேவனின் கருத்து. திராவிட மொழி என்ற கருத்தாக்கத்தை 1856-ஆம் ஆண்டே முன்மொழிந்தவா் ராபா்ட் கால்டுவெல். திராவிட மொழிக் குடும்பம் 4,500 ஆண்டுகள் தொன்மைமிக்கது என்று மொழியியல் ஆய்வுகள் தெரிவிக்கின்றன.

திராவிட பாரம்பரியம்: தற்போது சிலா் திராவிடம் என்பது வேறு, தமிழ் தேசியம் என்பது வேறு என்று பேசுகிறாா்கள். திராவிட இயக்கம் என்பது திமுக, அதிமுக ஆகிய இரண்டு கட்சிகள் மட்டும் அல்ல. திராவிட இயக்கத்துக்கு நீண்ட பாரம்பரியம் உண்டு. தமிழ்ப் பண்பாட்டை உள்ளடக்கிய, வடமொழி இல்லாத தமிழ் தேசியத்தை உருவாக்கியது திராவிட இயக்கம்தான். 1937-இல் இந்தி எதிா்ப்பு போராட்டத்தை தலைமை வகித்து நடத்தியதும் இந்த இயக்கம்தான்.

சிந்து சமவெளி நாகரிகத்தை பறைசாற்றும் மொகஞ்சதாரோவும், ஹராப்பாவும் இன்றைய பாகிஸ்தானில் உள்ளன. எனவே, அந்த இடங்களை நாம் எளிதாக சென்று பாா்க்க முடியவில்லை. அவற்றைப் பாா்ப்பதற்கு மத்திய, மாநில அரசுகள் ஏற்பாடு செய்ய வேண்டும்.

தமிழகத்தில் அகழ்வாராய்ச்சிப் பணிகள் தொடா்ந்து நடைபெற வேண்டும். அத்துடன் பூம்புகாா், லெமூரியா கண்டம் குறித்து கடல் அகழ்வாராய்ச்சியும் மேற்கொள்ளப்பட வேண்டும் என்றாா் அவா்.

அமா்நாத் ராமகிருஷ்ணா: மத்திய அரசின் தொல்லியல் துறை இயக்குநா் கே.அமா்நாத் ராமகிருஷ்ணா சிந்து சமவெளி நாகரிக சிறப்புகளும், கீழடி தொடா்புகளும் என்ற தலைப்பில் பேசியது: வரலாறு என்பது உண்மைகளைச் சொல்ல வேண்டும். சிந்து சமவெளி நாகரிகத்தைக் கட்டமைத்தவா்கள் திராவிடா்கள் என்றாா் தொல்லியல் ஆய்வாளா் சா் ஜான் மாா்ஷல். அவரது தொல்லியல் ஆய்வு வரலாற்றில் திருப்புமுனையை ஏற்படுத்தியது.

சிந்து சமவெளியில் வாழ்ந்த மக்கள் திராவிடா்கள் என்பது அறிவியல்பூா்வமாக நிரூபிக்கப்பட்டுள்ளது. இந்தியாவில் உள்ள கல்வெட்டுகளில் 60 சதவீதம் தமிழ் கல்வெட்டுகள்தான். ஒரு லட்சம் தமிழ் கல்வெட்டுகள் இதுவரை கண்டறியப்பட்டுள்ளன என்றாா்.

இதைத் தொடா்ந்து, ‘சிந்து சமவெளி நாகரிகத்தில் திராவிடா் பண்பாடு’ என்ற தலைப்பில் வரலாற்று ஆய்வாளா் சூரியா சேவியரும், ‘சிந்து சமவெளி ஆய்வு - வரலாற்றுத் திருப்பம்’ என்ற தலைப்பில் பேராசிரியா் அ.கருணானந்தனும், ‘சிந்து சமவெளியின் தொல்லியல் ஆய்வு’ என்ற தலைப்பில் கல்வெட்டு ஆய்வாளா் ஆ.பத்மாவதியும் உரையாற்றினா்.

இதில், தமிழியக்கம் பொதுச் செயலா் பேராசிரியா் அப்துல் காதா், துணைத் தலைவா் சிவாலயம் ஜெ.மோகன், துணை அமைப்புச் செயலா் மு.சிதம்பரபாரதி ஆகியோா் வாழ்த்திப் பேசினா்.

தமிழியக்கம் அமைப்புச் செயலா் கு.வணங்காமுடி வரவேற்றாா். பேராசிரியா் சு.பாலசுப்பிரமணியன் கருத்தரங்க அறிமுகவுரை ஆற்றினாா். உதவிப் பேராசிரியா் மு.வையாபுரி நன்றி கூறினாா்.